ရန်ကုန်တိုင်းအတွင်း ပထမအကြိမ် မဲဆန္ဒရှင်စာရင်းတွေ ကောက်ယူရာ မှတ်ပုံတင်နံပါတ်တူသူ၊ အမည်နဲ့ နေရပ်လိပ်စာ လွဲမှားနေတာတွေ ရှိနေသေးတယ်လို့ ရန်ကုန်တိုင်း၊ ရွေးကောက်ပွဲကော်မရှုင် အဖွဲ့ခွဲတွေထံကနေသိရပါတယ်။

" မှတ်ပုံတင် နံပါတ် တူတာ၊ မပါတာ၊ အမည်လွဲတာ ၊ နေရာမသိတာတွေက ခရိုင်တိုင်းလိုလိုရှိတယ်။ တချို့ကမြို့နယ်တွင်းထပ်တာရှိတယ်။တချို့က မြို့နယ်ခြားပြီး ထပ်တာရှိတယ်။ အဲဒါတွေအားလုံးကို ဆွဲထုတ်နေတယ်။ အခုမဲစာရင်းထုတ်တာ မဲပေးခွင့်ရှိသူတိုင်း မဲမပေးရမဖြစ်ရအောင် အမှားတွေကိုပြင်ဖို့ပါ ။အဲ့ဒီမှာ ပုံစံ ၃ ၊ ပုံစံ ၄ စတဲ့ ပြင်ဆင်ဖို့ထားထားပါတယ်။ လွဲမှားနေတာရှိရင်ပြင်ဖို့ တောင်းဆိုပါ "လို့ ဦးသိန်းလိူင်ကပြောပါတယ်။

Photo- ဇူလိုင် ၂၅ ရက်တာမွေမြို့နယ်က ရွေးကောက်ပွဲကော်မရှင်ရုံးမှာ မဲစာရင်းလာကြည့်သူများ

Photo- ဇူလိုင် ၂၅ ရက်တာမွေမြို့နယ်က ရွေးကောက်ပွဲကော်မရှင်ရုံးမှာ မဲစာရင်းလာကြည့်သူများ

လက်ရှိရန်ကုန်တိုင်းထဲက မဲစာရင်းမှာတော့ မှတ်ပုံတင် နံပါတ်တူသူ ၄ သိန်းကျော်ရှိနေသလို မှတ်ပုံတင်နံပါတ် မဖြည့်သွင်းရသေးသူတွ နဲ့ မဲစာရင်း ဖြည့်ဖို့ ကျန်ရှိနေတဲ့ လူဦးရေ ၂ သိန်း ကျော်ရှိနေတယ်လို့ ရန်ကုန်တိုင်းဒေသကြီး အစိုးရအဖွဲ့က ထုတ်ပြန်ထားပါတယ်။

အခုပထမအကြိမ်မဲစာရင်းတွေကို ဇူလိုင် ၁၅ ရက်ကနေ သြဂုတ်လ ၇ ရက်နေ့အထိ ထုတ်ပြန်ကြေညာထားမှာဖြစ်ပြီး ရရှိလာတဲ့ မဲစာရင်းအမှားယွင်းတွေကို ပြန်လည်ပြင်ဆင်ကာ လာမယ့် အောက်တိုဘာလမှုာတော့ဒုတိယအကြိမ်မဲဆန္ဒရှင်စာရင်းထပ်မံကြေညာမှာလည်း ဖြစ်ပါတယ်။

၂၀၂၀ ပါတီစုံဒီမိုကရေစီရွေးကောက်ပွဲကို ၂၀၂၀ ခုနှစ် နိုဝင်ဘာလမှာ ၈ ရက်မှာကျင်းပသွားမှာဖြစ်ပြီး တစ်နိုင်ငံလုံးအတိုင်းအတာအရ ပထမဆုံးအကြိမ်မဲပေးနိုင်တဲ့ လူငယ်ပေါင်း ၄ သန်း ဝန်းကျင်တိုးလာတယ်လို့လည်း ပြည်ထောင်စုရွေးကောက်ပွဲကော်မရှင်ကနေ သိရပါတယ်။