ကိုဗစ်-၁၉ ရောဂါနဲ့ ပတ်သက်ပြီး သိလိုသမျှတွေကို ဖြေကြားပေးတဲ့ Call Center 2019 ကို ဆက်သွယ်မေးမြန်းသူဟာ တစ်နေ့ကို ၂ သိန်းကျော် ရှိတယ်လို့ ကျန်းမာရေးနှင့်အားကစားဝန်ကြီးဌာနကနေ သိရပါတယ်။

ဒါ့အပြင် စက်တင်ဘာလက စပြီး ရခိုင်ဘာသာနဲ့ မေးမြန်းခြင်းကို ဖြေဆိုနိုင်ရန် ဆောင်ရွက်ခဲ့တယ်လို့သိရပါတယ်။ Call Center စတင်ခဲ့တဲ့ ဧပြီလမှာ တစ်နေ့ကို အကြိမ် (၅၅၀)၊ မေလမှာ အကြိမ် (၂၅၀)၊ ဇွန်လနဲ့ ဇူလိုင်လမှာ အကြိမ်ရေ (၅၀) ကနေ (၁၀၀) ထိဖြေဆိုပေးခဲ့တယ်လို့လည်း သိရပါတယ်။

စက်က အလိုအလျောက်ဖြေကြားမှုအနေနဲ့ ဧပြီနဲ့ မေလမှာ တစ်နေ့ကို တစ်သိန်းခွဲမှ နှစ်သိန်း၊ ဇွန်လနဲ့ ဇူလိုင်လမှာ (၃) သောင်းကနေ (၆) သောင်းခန့် ရှိပြီး စက်တင်ဘာလမှာတော့ တစ်နေ့ကို အကြိမ် (၂) သိန်းကျော်ဖြေကြားလျက်ရှိတယ်လို့လည်း ဝန်ကြီးဌာနက ပြည်သူသို့ အသိပေးချက် မှာ ရေးသားဖော်ပြထားပါတယ်။

ဒါ့အပြင် လက်ရှိမှာ ကိုဗစ်-၁၉ နဲ့ ပတ်သက်ပြီး ပြည်သူတွေ သိလိုသမျှတွေကို သမားတော်ကြီးတွေက ဖြေကြားပေးမယ့်အစီအစဉ်ကို အပတ်စဉ် အဂါၤ၊ ဗုဒ္ဓဟူး၊ ကြာသပတေးနေ့တွေမှာ ထုတ်လွှင့်ပြသမှာဖြစ်ပြီး ပြည်သူတွေအနေနဲ့ သိလိုသမျှတွေကို မေးမြန်းနိုင်တယ်လို့လည်း ထုတ်ပြန်ထားပါတယ်။ 

သမားတော်ကြီးတွေကပြန်လည်ဖြေကြားပေမယ့်အစီအစဉ်မှာလည်း တစ်ရက်တည်းနဲ့ ဆက်သွယ်မေးမြန်းလာသူ (၃၀၀) ကျော်ရှိခဲ့တယ်လို့လည်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က စက်တင်ဘာ (၂၈) ရက်ကပြုလုပ်တဲ့ ကိုဗစ်-၁၉ နဲ့ ပတ်သက်ပြီး ပြည်သူ့သို့တင်ပြခြင်း အစီအစဉ်မှာ ပြောကြားခဲ့ပါတယ်။