ရန်ကုန်ကနေ တိုင်းနဲ့ပြည်နယ်တွေကို ကုန်စည်ပို့ဆောင်မယ့် ကုန်တင်ယာဉ်တွေကို ကိုဗစ်ပိုးရှိ/မရှိ စစ်ဆေးမှုတွေကို အောက်တိုဘာ (၄) ရက်က စတင်ပြုလုပ်ခဲ့ရာ တစ်ရက်အတွင်း ကုန်တင်ယာဉ်မောင်း (၅) ဦးမှာ ကိုဗစ်-၁၉ ပိုးတွေ့ရှိခဲ့ရတယ်လို့ သိရပါတယ်။

ဓာတ်ပုံ- Zwe Yan Naing Fb (ရန်ကုန်မြို့မင်းဓမ္မလမ်းရှိ (MCC) ခန်းမမှာစစ်ဆေးပေးနေစဉ်)

ဖြတ်သန်းသွားလာကြမယ့် ကုန်တင်ယာဉ်တွေကို အောက်တိုဘာ (၄) ရက်က မနက် (၉) နာရီက ညနေ (၄) နာရီအထိ ကိုဗစ်-၁၉ ပိုးရှိ/မရှိ အမြန်သိနိုင်တဲ့ Test Kitတွေနဲ့ စစ်ဆေးပေးခဲ့တာဖြစ်ပြီး တစ်ရက်တည်း လူ (၂၀၀) ကျော်ကို စစ်ဆေးရာ (၅) ဦးမှာ ပိုးတွေ့ခဲ့ရတယ်လို့ ကူညီကယ်ဆယ်ရေးဆောင်ရွက်ပေးခဲ့တဲ့ ရွှေရောင်သမိုင်း ပရိဟတအဖွဲ့မှ ကိုဇွဲရန်နိုင်က Duwun ကို ပြောပါတယ်။

ဒါ့အပြင် ဒီကနေ့ အောက်တိုဘာ (၅) ရက်နဲ့ (၆) ရက်တွေမှာလည်း ထပ်မံစစ်ဆေးပေးသွားမယ်လို့လည်းသိရပါတယ်။ ကုန်စည်စီးဆင်းမှုမပြတ်စေရေးအတွက် ရန်ကုန်တိုင်းအပါအဝင် အခြားတိုင်းနဲ့ ပြည်နယ် အသီးသီးမှာလည်း မြို့အဝင်ဂိတ်တွေမှာ ကုန်တင်ယာဉ်မောင်းနဲ့ ယာဉ်နောက်လိုက်တွေကို ကိုဗစ်-၁၉ ပိုးရှိ/မရှိ အမြန်စစ်ဆေးပေးနိုင်တဲ့ Test Kit တွေနဲ့ စစ်ဆေးမှုတွေ ပြုလုပ်ပေးနေတာလည်း ဖြစ်ပါတယ်။