နိုဝင်ဘာ (၁၆) ရက်က နိုင်ငံပိုင်မီဒီယာကတစ်ဆင့်ထုတ်လွှင့်ခဲ့တဲ့ ကိုဗစ်-၁၉ နောက်ဆုံးအခြေအနေနဲ့စပ်လျဉ်းပြီး ပြည်သူသို့အစီရင်ခံစာတင်ပြတဲ့မိန့်ခွန်းမှာ အခုလို ထည့်သွင်းပြောကြားခဲ့တာဖြစ်ပါတယ်။

ကျန်းမာရေးနှင့်အားကစားဝန်ကြီးဌာနကလည်း ဒီရက်ပိုင်းအတွင်း ကြေညာချက်ထပ်မံထုတ်ပြန်ထားပြီး ဝန်ကြီးဌာနရဲ့ စည်းမျဉ်းစည်းကမ်းတွေကို မလိုက်နာရင် တည်ဆဲဥပဒေတွေအရ အရေးယူရလိမ့်မည်ဖြစ်ကြောင်း ဒေါ်အောင်ဆန်းစုကြည်က ဆိုပါတယ်။

ဒါ့အပြင် အခြေခံလူတန်းစားတွေအတွက် ထောက်ပံကြေးငွေနဲ့ပတ်သက်ပြီး ပထမ၊ဒုတိယနဲ့ တတိယအကြိမ်မှာ အဆင်ပြေချော့မွေ့ခဲ့ပေမယ့် အခု စတုတ္တအကြိမ်မှာတော့ တစ်ချို့နေရာတွေမှာ လူစုလူဝေးလုပ်ပြီး အနည်းငယ်ဆူပူမှုတွေ ဖြစ်လာတယ်ဆိုတာကို တွေ့နေရတယ်လို့လည်း အတိုင်ပင်ခံက ဆိုပါတယ်။

“ အဲဒီတော့ အေးအေးဆေးဆေးနဲ့ တိုင်စာဌာနမှာ တိုင်ကြပါ။ အခြေအနေဘယ်လိုဖြစ်လဲဆိုတာကိုပြောကြပါ။ ရည်ရွယ်ချက်နဲ့ ဘယ်သူ့ကိုမှ ကျွန်မတို့ ထားခဲ့မှာမဟုတ်ဘူး။ ကျန်ခဲ့ရင်လည်း ပြန်ပံ့ပိုပေးမယ်။ ပြည်သူတွေ အားလုံးဝိုင်းပြီးတော့ ဒီကိစ္စကို ချောချောမွေ့မွေ့ဖြေရှင်းနိုင်ဖို့ ပံ့ပိုးကူညီစေချင်ပါတယ်" လို့ အတိုင်ပင်ခံပုဂ္ဂိုလ်က ဆက်လက်ပြောကြားခဲ့တာပါ။

ဒါ့အပြင် အသေးစားချေးငွေကိစ္စတွေမှာ ကိုဗစ်ကာလ ပြန်မဆပ်နိုင်တဲ့ ပြည်သူတွေအတွက် ရန်ကုန်တိုင်း၊ပဲခူးတိုင်းနဲ့ ရခိုင်ပြည်နယ်က အသေးစားချေးငွေအဖွဲ့အစည်းနဲ့ အစိုးရအဖွဲ့တို့ ညှိပြီး ပြည်သူတွေကို ပြန်ဆယ်ရမယ့် အချိန် ဆိုင်းငံ့ပေးဖို့ အစီအစဉ်တွေ စတင်‌ဆောင်ရွက်နေပြီလို့လည်း ဒေါ်အောင်ဆန်းစုကြည်က ပြောခဲ့တာဖြစ်ပါတယ်။