COVID-19 ကြောင့် ပြည်ပနိုင်ငံအသီးသီးကနေ ပြန်လည်ရောက်ရှိလာတဲ့ အင်ဂျင်နီယာတွေ၊ ဆောက်လုပ်ရေးကျွမ်းကျင်သူတွေ၊ ဆောက်လုပ်ရေးလုပ်သားတွေကို ပြည်တွင်းက ဆောက်လုပ်ရေး ကုမ္ပဏီတွေမှာ အလုပ်ခန့်ဖို့ စီစဉ်နေတယ်လို့ မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် အတွင်းရေးမှူး ဦးဝင်းမြင့်က Duwun ကိုပြောပါတယ်။

“ ကျွန်တော်တို့ရဲ့ ပြည်တွင်းဆောက်လုပ်ရေးကဏ္ဍမှာ အမှန်တကယ် ကျွမ်းကျင်တဲ့ အလုပ်သမားတွေ လိုအပ်တယ်။ အခုပြည်ပက ပြန်လာတဲ့သူတွေထဲမှာ သူတို့ လုပ်ကိုင်ခဲ့တဲ့ နိုင်ငံတကာအတွေ့အကြုံတွေ၊ ကျွမ်းကျင်မှုတွေကို ကြည့်ပြီး အလုပ်ခန့်ပေးဖို့ စီစဉ်ထားတယ်။ တခြားနိုင်ငံက ပေးတဲ့လစာအတိုင်းတော့ ဒီမှာမပေးနိုင်ဘူးပေါ့။ ဒါပေမယ့် ဒီနိုင်ငံရဲ့ အနေအထားပေါ်မူတည်ပြီး ထိုက်သင့်တဲ့ လုပ်ခလစာတစ်ခုရအောင်တော့ ဖန်တီးပေးမှာပါ” လို့ အတွင်းရေးမှူး ဦးမျိုးမြင့်က Duwun ကိုပြောပါတယ်။

စိတ်ပါဝင်စားသူတွေအနေနဲ့ ဒီကနေ့ ဇွန်လ ၂၅ ရက်ကနေ ဇူလိုင်လ ၁၅ ရက်အထိ နောက်ဆုံးထားပြီး  မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် ဖုန်းနံပါတ် ၀၉-၈၉၃၂၁၇၁၀၈၊ ၀၉-၈၉၃၂၁၇၁၀၉၊ ၀၉-၈၉၃၂၁၇၁၁၀ ၊ Email – admin@mcef.org.mm,mcef1996@gmail.com တို့ကို ဆက်သွယ်စုံစမ်းနိုင်တယ်လို့လည်း ကြေညာထားပါတယ်။