ကူးစက်ပျံ့နှံ့မှု မြန်ဆန်နေတဲ့ ကိုဗစ်ဒိယလှိုင်းကြောင့် YBS စီးနင်းသူဦးရေက တစ်ဖန်ပြန်လည်လျော့နည်းလာပြီး စီးနင်းသူဦးရေက ပုံမှန်စီးနင်းသူ ဦးရေရဲ့ လေးပုံတစ်ပုံကျော်အထိ လျော့နည်းလာတယ်လို့ သိရပါတယ်။

“ အခုဆို စီးနင်းသူတွေက ဒုတိယအကြိမ်ပြန်လည်လျော့နည်းလာတာပါ။ ကိုဗစ်ဒုတိယလှိုင်းမစခင်အထိ YBS စီးနင်းသူက ပုံမှန်အနေအထားနီးပါး ပြန်စီးလာပေမယ့် ဒုတိယလှိုင်း ကူးစက်လူနာတွေများလာတဲ့အခါမှာ ပြန်လျော့နည်းလာပါတယ်။ ဒါကလည်း ပြည်သူတွေအနေနဲ့ စည်းကမ်းလိုက်နာတဲ့သဘောပါ။ ရောဂါကူးစက်မှုများနေတဲ့အချိန်မှာ ပြည်သူတွေအနေနဲ့ မလိုအပ်ဘဲ အပြင်မသွားကြတော့ စီးနင်းသူက လျော့နည်းလာတာပါ”လို့ ဦးလှအောင်က ပြောပါတယ်။

ရန်ကုန်က ကိုဗစ်ဒုတိယလှိုင်းကို သိသိသာသာခံစားနေရပြီးနောက် YBS စီးနင်းသူတွေကို စည်းကမ်းတွေ တင်းတင်းကြပ်ကြပ်ဆောင်ရွက်ခဲ့ပါတယ်။ စက်တင်ဘာလ (၁၁) ရက်နေ့ကစပြီး mask မတပ်သူတွေကို YBS စီးနင်းခွင့်မပေးတော့ပါဘူး။