loading...

loading...

loading...

၂၅ရက်နေ့မှာ ပြေးဆွဲပေးမှာပါ။
Ei Ei Htun

ရန်ကုန်-ပုဂံရထားဟာ နေ့စဉ်ပုံမှန်ပြေးဆွဲပေးနေပြီး ၂၅ ရက်နေ့မှာတော့ ပုံမှန်ပြေးဆွဲပေးတဲ့ ရထားအပြင် အထူးရထားတစ်စီးကိုပါ ထပ်မံပြေးဆွဲပေးသွားမှာပါ။ 

ခရစ္စမတ် အများပြည်သူရုံးပိတ်ရက်အတွင်းမှာ ပုဂံဒေသကို ဘုရားဖူးသွားကြမယ့် ပြည်သူများအဆင်ပြေစေနိုင်ဖို့အတွက် မြန်မာ့မီးရထားမှ ရန်ကုန်-ပုဂံ အထူးရထားတစ်စီး ပြေးဆွဲပေးမှာ ဖြစ်တယ်လို့ သိရပါတယ်။ အဆိုပါ အထူးရထားဟာ ဒီဇင်ဘာလ(၂၅)ရက်နေ့ နေ့လယ် ၂နာရီ ၁၅ မိနစ်အချိန်မှာ ရန်ကုန်ဘူတာကြီးက စတင်ထွက်ခွာမှာဖြစ်တယ်လို့သိရပါတယ်။

“ မနှစ်ကပိတ်ရက်တုန်းကလည်း ရန်ကုန်-ပုဂံ ပုံမှန်ပြေးဆွဲပေးတဲ့ ခရီးစဉ်ကတော့ အပြည့်ပဲ။ ဒီနှစ်ကတော့ အခုလို သီးခြားအစီအစဉ်လေးလုပ်ပေးလိုက်တော့ သွားချင်တဲ့သူတွေအတွက်ပိုအဆင်ပြေသွားတာပေါ့။ ခါတိုင်းကတော့ ရထားမရရင် ကားနဲ့သွားတဲ့ ခရီးသည်တွေလည်းရှိတယ်။ ရန်ကုန်-ပုဂံ ခရီးစဉ်ရထားက ပုံမှန်လည်း နေ့စဉ်(၄)နာရီခရီးစဉ်ရှိတယ်။ အခု (၂၅)ရက်နေ့မှာတော့ နှစ်စီးဖြစ်သွားမှာပေါ့။ အထူးရထားက နေ့လယ် ၂နာရီ ၁၅ မိနစ်အချိန်မှာတစ်စီး၊ ပုံမှန်က ညနေ(၄)နာရီမှာတစ်စီး “ ဆိုပြီး မြန်မာ့မီးရထားသွားလာရေးမန်နေဂျာ ဦးဇော်လွင်က Duwun ကိုပြောပါတယ်။

photo- မြန်မာ့မီးရထား

ခရစ္စမတ်ပိတ်ရက်မှာ အထူးပြေးဆွဲမယ့်ရထားမှာ အထက်တန်းထိုင်ခုံ (၃)တွဲ၊ ရိုးရိုးတန်း(၅)တွဲနှင့် ဘရိတ်တွဲ(၁)တွဲတို့ဖြင့် ပြေးဆွဲပေးသွားမှာဖြစ်ပါတယ်။ ရန်ကုန်ဘူတာကနေ နေ့လယ် ၂နာရီ၁၅ မိနစ်မှာ စထွက်ပြီးတော့ ပုဂံကို နောက်နေ့ မနက် (၉)နာရီမှာ ရောက်ရှိမှာ ဖြစ်တယ်လို့ သိရပါတယ်။

လက်မှတ်ခတွေကတော့ အထက်တန်းလက်မှတ်ခတစ်စောင်ကို (၁၂၀၀၀)ကျပ်နဲ့ ရိုးရိုးတန်းလက်မှတ်တစ်စောင်ကို (၄၅၀၀)ကျပ်တို့ဖြင့် တစ်ဦးကို လက်မှတ် (၃)စောင်အထိ ရောင်းချပေးသွားမှာဖြစ်ပါတယ်။


loading...

က္က