Hmue Eain Zaw

သေဆုံးသူတွေ ၄၉ ရာခိုင်နှုန်းဟာ နာတာရှည်ရောဂါ ရှိနေကြသူတွေဖြစ်ပြီး ရောဂါလက္ခဏာတွေဖြစ်ပွားနေပေမယ့် ဆေးရုံကိုရောက်ချိန် နောက်ကျသူတွေလို့ ဆိုပါတယ်။

Photo - FFSS

မြန်မာနိုင်ငံမှာ H1N1 ဖြစ်ပွားနေသူ ၂၈၁ ဦးရှိနေပြီး သေဆုံးသူ ၅၉ ရှိအထိရှိလာတယ်လို့ ကျန်းမာရေးနဲ့ အားကစားဝန်ကြီးဌာနကနေ သတင်းထုတ်ပြန်ထားပါတယ်။ သေဆုံးသူတွေထဲမှာဆိုရင် ရန်ကုန်တိုင်းဒေသကြီးမှာ ၄၆ ယောက်အထိ အများဆုံးဖြစ်သလို ကူးစက်တယ်လို့ အတည်ပြုထားသူဟာလည်း ၁၅၆ ယောက်အထိရှိနေတာဖြစ်ပါတယ်။ ဒုတိယအများဆုံးဖြစ်ပွားနေတာကတော့ ရခိုင်ပြည်နယ်ဖြစ်ပြီး သေဆုံးသူ ၄ ယောက်နဲ့ ကူးစက်ခံရသူ ၂၃ ဦးရှိပါတယ်။

Photo - FFSS

သေဆုံးသူ ၅၉ ဦးအနက် ၄၉ ရာခိုင်နှုန်းဟာ နာတာရှည်ရောဂါရှိနေကြသူတွေဖြစ်ပြီးရောဂါလက္ခဏာတွေဖြစ်ပွားနေပေမယ့် ဆေးရုံကို ရောက်ရှိဖို့ နောက်ကျသူတွေဖြစ်ကြတယ်လို့ ဝန်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။

ဒီလိုဖြစ်ပွားနေမှုကြောင့် ကျန်းမာရေးနဲ့ အားကစားဝန်ကြီးဌာနနဲ့ ကမ္ဘာ့ကျန်းမာရေးအဖွဲ့တို့ ပူးပေါင်းပြီး အသိပညာပေးမှုတွေနဲ့ ရောဂါကြိုတင်ကာကွယ်ရေးအစီအစဉ်တွေကိုပြုလုပ်နေတယ်လို့ သိရပါတယ်။ H1N1ရာသီတုပ်ကွေး ဗိုင်းရပ်စ်ဟာ တုပ်ကွေးမျိုးစိတ်အသစ်ဖြစ်ပြီး အဖြစ်များတဲ့ရိုးရိုးတုပ်ကွေးရောဂါနဲ့လက္ခဏာချင်းဆင်တူပါတယ်။

Photo - FFSS

ဝက်တွေမှာ ရှင်သန်နေထိုင်နိုင်တဲ့ virus ပိုးဖြစ်ပေမယ့် သေချာကိုင်တွယ်ချက်ပြုတ်ထားတဲ့ ဝက်သားနဲ့ တခြားစားသောက်ကုန်တွေ စားရုံနဲ့တော့ မကူးစက်နိုင်ပါဘူး။ လူလူချင်းသာ ကူးစက်ပါတယ်။ ရောဂါလက္ခဏာတွေက အများအားဖြင့်ဆင်တူပေမယ့် ဝက်တုပ်ကွေးကတော့ အသက်ရှူလမ်းကြောင်းလက္ခဏာတွေအပြင် ဝမ်းလျှောတာနဲ့ ပျို့အန်တာတွေ ပါဖြစ်နိုင်ပါတယ်။ H1N1 ရာသီတုပ်ကွေးက ရိုးရိုးတုပ်ကွေးထက် အဆုတ်ထဲကို ပိုနက်ရှိုင်းစွာ ကူးစက်ရောက်ရှိနိုင်ပါတယ်။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က