အမျိုးသမီးက မြဝတီနယ်စပ်ဂိတ်ကနေတစ်ဆင့် ထိုင်းကနေပြန်လာတဲ့သူဖြစ်ပြီး  Quarantine စင်တာကို ဇူလိုင်လ(၈)ရက်နေ့က ရောက်လာခဲ့သူလို့သိရပါတယ်။ ပြီးခဲ့တဲ့ တနင်္ဂနွေနေ့ ညပိုင်းက ထွက်ပြေးသွားခဲ့တာဖြစ်ပြီး ယနေ့ထိရှာမတွေ့သေးသလို ရှာတွေ့ခဲ့ပါကလည်း COVID ထိန်းချုပ်ရေး ဥပဒေနဲ့ အညီ အရေးယူမှုတွေလုပ်သွားဖို့ တိုင်းအစိုးရကို တင်ပြထားပြီးဖြစ်တယ်လို့ သထုံမြို့နယ် အုပ်ချုပ်ရေးမှူး ဦးစောညီညီထွေးက Duwun ကိုပြောပါတယ်။ 

ထွက်ပြေးသွားတဲ့ အမျိုးသမီးက မွန်ပြည်နယ် ဘီးလင်းမြို့နယ်က ဖြစ်ပြီး သက်ဆိုင်ရာ ရဲတပ်ဖွဲ့ဝင်တွေအချင်းချင်းချိတ်ဆက်ကာ ရှာဖွေနေဆဲဖြစ်ပါတယ်။ သထုံက Quarantine စင်တာမှာက ထိုင်းကပြန်လာတဲ့သူအများဆုံးဖြစ်ပြီး လက်ရှိမှာ Quarantine ဝင်ရောက်နေသူ အယောက် (၃၀၀)ကျော်ရှိတယ်လို့ ဦးစောညီညီထွေးကပြောပါတယ်။ သထုံမှာ Quarantine ဝင်ရောက်ခဲ့သူတွေထဲက ပိုးတွေ့လူနာ တစ်ဦးမှမရှိခဲ့ဘဲ လက်ရှိ Quarantine ဝင်နေတဲ့ အယောက်(၃၀၀)ကျော်ကိုတော့ဓာတ်ခွဲစစ်ဆေးထားဆဲဖြစ်တယ်လို့ သိရပါတယ်။