ဒီအမှုဟာ ဆင်ပြီးဖမ်းတဲ့ အမှုလို့ သတင်းထောက်တွေကပြောပါတယ်။
Hmue Eain Zaw

ရိုက်တာ သတင်းထောက်နှစ်ဦးရဲ့ အမှုကို လာမယ့် သြဂုတ်လ ၂၇ ရက်နေ့မှာ သူတို့နှစ်ဦးကို စွဲဆိုထားတဲ့ နိုင်ငံတော်လျို့ဝှက်ချက်များ အက်ဥပဒေပုဒ်မ ၃ (၁)(ဂ) အရ အပြီးသတ် အမိန့်ချမှတ်သွားမယ်လို့ သူတို့နှစ်ယောက်ရဲ့ တရားလွှတ်တော်ရှေ့နေ ဦးခင်မောင်ဇာ်က သြဂုတ်လ ၂၀ ရက်နေ့မှာ Duwun ကိုပြောပါတယ်။

39522368_2053765531301255_2210787806630903808_n.jpg 

သူတု့ိနှစ်ဦးကို ၂၀၁၇ ဒီဇင်ဘာလ တုန်းက နိုင်ငံတော်လျို့ ဝှက် စာရွက်စာတမ်းတွေကိုလက်ကိုင်ဖုန်းရော လက်ဝယ်မှာပါ တွေ့ရှိတယ်ဆိုပြီးတော့ ကိုးလနီးပါးကြာ ဖမ်းဆီးစစ်ဆေးနေတာပါ။

ဒီအမှုမှာ မြန်မာနိုင်ငံ အစိုးရလျှို့ဝှက်ချက်အက်ဥပဒေနဲ့ ငြိစွန်းတဲ့ စာရွက်စာတမ်းတွေကို တပ်ကြပ် နိုင်လင်းက ပေးတာဖြစ်တယ်လို့ ကိုဝလုံးက ထွက်ဆိုထားပါတယ်။ အရင်ကလည်း တရားလိုပြသက်သေတွေထဲက ဒုရဲမှူး မိုးရန်နိုင်က အလားတူ ထွက်ဆိုထားတာဖြစ်ပါတယ်။

39522038_249514765899878_4393445888165412864_n.jpg

ပြီးခဲ့တဲ့ရုံးချိန်တွေအတွင်းစစ်မေးခဲ့မှုတွေအရတရားလိုပြ သက်သေတွေရဲ့ ထွက်ဆို ချက်တွေမှာလည်းကွဲလွဲချက်တွေအများစုတွေ့ရှိနေခဲ့ပြီးသတင်းသမားကျင့်ဝတ်နဲ့အညီလုပ်ဆောင်ခဲ့တဲ့အပေါ်ယုံကြည်ချက်အပြည့်အဝရှိတယ်လို့တရားစွဲဆိုခံထားရတဲ့ ကိုဝလုံး (ခ) သက်ဦးမောင်နဲ့ကိုကျော်စိုးဦး(ခ)မိုးအောင် တို့ကတရားခွင်အပြီး သြဂုတ် ၂၀ ရက်နေ့က မီဒီယာတွေကိုပြောဆိုထားပါတယ်။

ရိုက်တာသတင်းဌာနက သတင်းထောက် ကိုသက်ဦးမောင်(ခ)ဝလုံးနဲ့ ကိုကျော်စိုးဦး(ခ)မိုးအောင်တို့ကို လုံခြုံရေးရဲတပ်ဖွဲ့ခွဲက တပ်ဖွဲ့ဝင်တွေကို ချဉ်းကပ်စည်းရုံး ဆက်သွယ်ပြီး ရခိုင်ဒေသနဲ့ ပတ်သက်တဲ့ သတင်းအချက်အလက်တွေ၊ တပ်ဖွဲ့နဲ့ သက်ဆိုင်တဲ့ အရေးကြီးလုံခြုံရေး စာရွက်စာတမ်း အထောက်အထားတွေကို ပြည်ပသတင်းဌာနတွေ ကို ပေးပို့ဖို့ ရည်ရွယ်ချက်နဲ့ တရားမဝင် သတင်း ရယူဆောင်ရွက်ခဲ့တယ်ဆိုပြီး (၂၀၁၇)ခုနှစ်၊ ဒီဇင်ဘာ (၁၂)ရက်ညက ထောက်ကြန့်နယ်မြေရဲစခန်း (ပ) ၁၂၉၈/၂၀၁၇၊ ၁၉၂၃ ခုနှစ်၊ မြန်မာနိုင်ငံအစိုးရ လျှို့ဝှက်ချက်အက်ဥပဒေပုဒ်မ-၃နဲ့ အမှုဖွင့် ဖမ်းဆီးခဲ့တာဖြစ်ပါတယ်။


က္က