လက်ရှိဘောလုံးရာသီအပိတ်ပွဲစဉ်တွေကို ဧပြီလကုန်ပိုင်းအထိကျင်းပနိုင်ဖွယ်မရှိဘူးလို့လည်း အက်ဖ်အေကအ တည်ပြုသတင်းထုတ်ပြန်ထားပြီးဖြစ်ပါတယ်။

လက်ရှိရာသီပရီးမီးယားလိဂ်ပွဲစဉ်တွေကိုလည်း ဧပြီ ၂ရက်နေ့အထိရွှေ့ဆိုင်းထားမယ်လို့ ကနဦးသတင်းထုတ်ပြ န်ထားခဲ့ပြီး အဆင်မပြေမှုများရှိလာခဲ့တဲ့အတွက် ဧပြီလကုန်ပိုင်းအထိ ပွဲစဉ်တွေကို ပြန်လည်ကျင်းပနိုင်ဖွယ်မရှိ ဘူးလို့ အတည်ပြုထုတ်ပြန်ခဲ့ပြီလည်းဖြစ်ပါတယ်။

အက်ဖ်အေရဲ့အခုလိုစီစဉ်နေမှုအပေါ် ဝေဖန်မှုတွေမရှိသေးပေမယ့် ပရီးမီးယားလိဂ်အသင်းအများစုကတော့ ရာ သီအဖွင့်ပွဲစဉ်တွေအတွင်း ပရိသတ်မပါဘဲကျင်းပစေနိုင်ခြင်းအပေါ် စိုးရိမ်မှုပိုင်းမြင့်တက်လာနိုင်ပြီး ဘဏ္ဍာရေး အခြေအနေအခက်အခဲအချို့လာနိုင်တယ်လို့ သုံးသပ်မှုတွေလည်း ရှိနေခဲ့ပါတယ်။

ပွဲစဉ်များရွှေ့ဆိုင်းခဲ့ခြင်းကြောင့် ၂၀၁၉-၂၀ ဘောလုံးရာသီပိတ်ပွဲစဉ်များအားလုံးအနေနဲ့ ဇူလိုင်လအတွင်းရော က်မှသာ ပြီးဆုံးဖို့ရှိနေခဲ့တဲ့အတွက် ၂၀၂၀-၂၁ ဘောလုံးရာသီအဖွင့်ပွဲစဉ်များကျင်းပဖို့ရှိနေတဲ့ သြဂုတ်လအစော ပိုင်းကာလများကိုပါ ရွှေ့ဆိုင်းဖို့ရှိနေပြီး ရာသီသစ်အတွက် ပွဲစဉ်ဇယားရေးဆွဲမှုပုံစံကို လုံးဝအသစ်ပြောင်းလဲရဖို့ ရှိနေတယ်လို့လည်း သတင်းဖော်ပြမှုတွေရှိနေခဲ့ပါတယ်။