ချယ်ဆီးအသင်းရဲ့နည်းပြ မူရီဇီယိုဆာရီဟာ ၂၀၁၃-၂၀၁၄ ရာသီမှာ ဒေးဗစ်မိုရက်စ် ကြုံတွေ့ခဲ့ရတဲ့အတိုင်း ပထမဆုံးကိုင်တွယ်ရတဲ့ပွဲစဉ်မှာ ဖလားရရှိနိုင်တဲ့ ဒုတိယမြောက်နည်းပြဖြစ်လာခဲ့တာဖြစ်ပါတယ်။

လူကာမိုဒရစ်ရဲ့အနာဂတ်နဲ့ပတ်သက်ပြီး အတည်ပြုပြောကြားလိုက်တဲ့ ဂျူလန်လော့ပတယ်ဂီ 

"ကျွန်တော် အနိုင်ရရှိချင်ပါတယ်။ ဘာလို့လဲဆိုတော့ ချက်ချင်းကို ဖလားတစ်လုံးရရှိမှာဖြစ်တဲ့အတွက် အရမ်းအရေးကြီးပါတယ်။ ဒါပေမယ့် ဒီရာသီမှာ ကျွန်တော်တို့ရဲ့စွမ်းဆောင်ရည်က အရမ်းအရေးကြီးနေပါတယ်။ ကျွန်တော်တို့အနေနဲ့ ဒီထက်တိုးတက်အောင် ကြိုးစားသွားရမှာပါ"လို့ ချယ်ဆီးနည်းပြ ဆာရီက ပြောကြားခဲ့ပါတယ်။

Photos: Daily Star

မန်ချက်စတာစီးတီးအသင်းရဲ့နည်းပြ ပက်ဂွါဒီယိုလာဟာ ပြိုင်ဘက်အသစ်ဖြစ်တဲ့ နာပိုလီနည်းပြဟောင်း ဆာရီနဲ့ ပထမဦးဆုံးတွေ့ဆုံရတဲ့ နည်းပြဖြစ်လာခဲ့ပြီး ဆာရီဟာ ၎င်းရဲ့ကစားကွက်ကို ပရီးမီးယားလိဂ်နဲ့ အလျင်အမြန် အံဝင်ခွင်ကျဖြစ်အောင် လုပ်နိုင်သူသူဖြစ်ကြောင်း ချီးကျူးခဲ့ပါတယ်။

"ပရီးမီးယားလိဂ်မှာ ဆာရီကို မြင်တွေ့ရတာ ကျွန်တော် ပျော်ရွှင်မိပါတယ်။ ကျွန်တော် အပတ်တိုင်း သူ့ရဲ့အသင်းကို ကြည့်ပြီး လေ့လာသင်ယူမှုတွေ အများကြီးပြုလုပ်သွားမှာပါ။ ကျွန်တော် ချယ်ဆီးအသင်းကစားခဲ့တဲ့ ၃ ပွဲကို ကြည့်ခဲပါတယ်။ သူ လုပ်နိုင်ခဲ့တယ်။ အသင်းက သူလိုချင်တဲ့အတိုင်း အချိန်တိုအတွင်းမှာ ကစားနိုင်ခဲ့ပါတယ်"

"ဒီပွဲက ပွဲကောင်းတစ်ပွဲဖြစ်လာမယ်လို့ ကျွန်တော်ထင်ပါတယ်။ ချယ်ဆီးအသင်းက အမြဲတမ်းကြီးမားတဲ့ပြိုင်ဘက်ဖြစ်ခဲ့ပါတယ်။ ကွန်တီတုန်းကလည်း ဖြစ်ခဲ့တယ်။ မူရီဇီယိုလည်း အတူတူပဲဖြစ်ပါလိမ့်မယ်။ သူ့ရဲ့ကစားတဲ့စတိုင်က အင်္ဂလိပ်ဘောလုံးလောကအတွက် ပြီးပြည့်စုံစေပါလိမ့်မယ်"လို့ ပြောကြားခဲ့ပါတယ်။

နှစ်ဖက်အသင်းသတင်းများ

Photos: Reddit

မန်ချက်စတာစီးတီးအသင်းက အသစ်ခေါ်ယူထားတဲ့ တောင်ပံကစားသမား မာရက်ဇ်ဟာ ပြီးခဲ့တဲ့အပတ်က ရရှိခဲ့တဲ့ ခြေချင်းဝတ်ဒဏ်ရာပြန်လည်သက်သာနေပြီး ချယ်ဆီးအသင်းနဲ့ ပွဲစဉ်မှာ ပါဝင်ကစားပေးနိုင်မယ်လို့ သိရပါတယ်။ ကီဗင်ဒီဘရိုင်းနဲ့ စတားလင်းတို့ဟာ ကမ္ဘာ့ဖလားပြိုင်ပွဲပြီးနောက် အသင်းကို ပြန်လည်မရောက်ရှိသေးတဲ့အဓိကကစားသမားတွေဖြစ်ပြီး နည်းပြဂွါဒီယိုလာက ကျန်ရှိတဲ့ အဓိကကစားသမားတွေနဲ့ ကစားသွားဖို့ ပြင်ဆင်နေပါတယ်။

Photos: Daily Mail

အင်္ဂလန်အသင်းရဲ့ကွင်းလယ်ကစားသမား လော့ဖ်တက်ချိခ်ဟာ ယခုအပတ်မှာ ချယ်ဆီးအသင်းကို ပြန်လည်ရောက်ရှိပြီး လေ့ကျင့်ရေးပြုလုပ်နေတယ်လို့ သိရပါတယ်။ ဝီလီယံကလည်း ထပ်တိုးအနားယူရက်ကနေ အသင်းထံကို လက်ရှိအချိန်မှာ ပြန်လည်ရောက်ရှိနေပြီလို့ သိရပါတယ်။

အာဆင်နယ်အသင်းနဲ့ပွဲစဉ်မှာ အထင်ကြီးလေးစားဖွယ်စွမ်းဆောင်ရည်ကို ပြသနိုင်ခဲ့တဲ့ လူငယ်ကစားသမား ကယ်လန်ဟက်ဆန်အိုဒိုရီကို ချယ်ဆီးအသင်းရဲ့ဘယ်တောင်ပံမှာ ဆက်လက်ပွဲထွက်ကစားခွင့်ပေးသွားမယ်လို့ သိရပါတယ်။

ပွဲကြိုအချက်အလက်များ

Photos: Telegraph

- ချယ်ဆီးအသင်းဟာ ၂၀၀၉ ခုနှစ်မှာ မန်ချက်စတာယူနိုက်တက်အသင်းကို ပင်နယ်တီအဆုံးအဖြတ်နဲ့ အနိုင်ရရှိပြီး ကွန်မြူနတီဒိုင်းကို ရရှိပြီးနောက် ထပ်မံရရှိခြင်းမရှိသေးပါဘူး။

- ချယ်ဆီးအသင်းဟာ မန်ချက်စတာစီးတီးအသင်းနဲ့ နောက်ဆုံးတွေ့ဆုံခဲ့တဲ့ ၂ ပွဲစလုံး ရှုံးနိမ့်ခဲ့ပြီး ၂၀၁၀ ခုနှစ်နောက်ပိုင်းမှာ မန်ချက်စတာစီးတီးအသင်းကို ၃ ပွဲဆက်တိုက် ရှုံးနိမ့်ခဲ့ခြင်းမရှိသေးပါဘူး။

- မန်ချက်စတာစီးတီးအသင်းရဲ့နည်းပြ ပက်ဂွါဒီယိုလာဟာ ဝင်ဘလေကွင်းမှာ ၄ ပွဲ(ချန်ပီယံလိဂ် ၂၀၁၁၊ အက်ဖ်အေဖလား+လိဂ်ဖလား ၂၀၁၇၊ ပရီးမီးယားလိဂ် ၂၀၁၈)ကိုင်တွယ်ခဲ့ရာမှာ တစ်ပွဲမှ ရှုံးနိမ့်ခဲ့ခြင်းမရှိဘဲ ၃ ပွဲနိုင် ၁ ပွဲသရေရလဒ် ပိုင်ဆိုင်ထားပါတယ်။

- မန်စီးတီးတိုက်စစ်မှူး အဂူရိုဟာ ချယ်ဆီးအသင်းနဲ့ တွေ့ဆုံခဲ့တဲ့ ၅ ပွဲမှာ ၅ ဂိုးသွင်းယူထားပြီး အဂူရိုထက် ဝင်ဘလေကွင်းမှာ ဂိုးအရေအတွက် ပိုများတဲ့မန်စီးတီးကစားသမား မရှိသေးပါဘူး။