အမှတ်ပေးချန်ပီယံအဖြစ်နဲ့တော့ ရပ်တည်နိုင်ခဲ့ပါပြီ။
Pyae Phyo Thein

လီဗာပူးလ်ကတော့ နှစ်ပေါင်း ၃၀ အတွင်းမှာ ပထမဆုံးအကြိမ်အဖြစ် အမှတ်ပေးဖလားကို ရရှိသွားခဲ့ပြီဖြစ်ပါတယ်။ သူတို့အတွက်တော့ ဒါဟာ ကြီးမားတဲ့အောင်မြင်မှုဖြစ်ပြီးတော့ လက်ကျန် ၇ ပွဲအလိုမှာပဲ ဗိုလ်စွဲခဲ့လို့ အင်္ဂလန်ရဲ့ အဆင့်မြင့်ဆုံးလိဂ်မှာ အစောဆုံးဗိုလ်စွဲခဲ့တဲ့ စံချိန်ကိုပိုင်ဆိုင်ခဲ့တာဖြစ်ပါတယ်။ ဒါပေမယ့်လည်း လီဗာပူးလ်အသင်း ရယူဖို့ကျန်ရှိနေသေးတဲ့ စံချိန်တွေရှိနေပါသေးတယ်။ အဲဒီစံချိန်တွေကတော့...။ 


နိုင်ပွဲအများဆုံးရစံချိန်

ဒီစံချိန်ကို လက်ရှိမှာ ပိုင်ဆိုင်ထားတဲ့အသင်းကတော့ မန်စီးတီးအသင်းဖြစ်ပြိး ၂၀၁၇-၁၈ နဲ့ ၂၀၁၈-၁၉ ဘောလုံးရာသီတို့မှာ နိုင်ပွဲ ၃၂ပွဲအထိရရှိခဲ့တာဖြစ်ပါတယ်။ ဂွာဒီယိုလာလက်ထက်မှာ မန်စီးတီးက အဆိုပါစံချိန်တွေကိုရရှိခဲ့တာဖြစ်ပြီးတော့ လီဗာပူးလ်

အနေနဲ့ လက်ရှိမှာ ၂၈ ပွဲအထိ အနိုင်ရထားလို့ လက်ကျန် ၇ ပွဲမှာ ၄ ပွဲအနိုင်ရပါက အဆိုပါစံချိန်ကို လိုက်မီမှာဖြစ်ပြီး ၅ ပွဲအနိုင်ရပါက နိုင်ပွဲအများဆုံးရစံချိန်ကို ပိုင်ဆိုင်နိုင်မှာဖြစ်ပါတယ်။ လီဗာပူးလ်ဟာ လက်ကျန်ပွဲတွေအဖြစ် မန်စီးတီး၊ ဗီလာ၊ ဘရိုက်တန်၊

ဘန်လေ၊ အာဆင်နယ်၊ ချယ်လ်ဆီး၊ နယူးကာဆယ်တို့နဲ့ ကစားရမှာပါ။


ရမှတ်အများဆုံးစံချိန်

ဒီစံချိန်ကိုလည်း မန်စီးတီးက ရရှိခဲ့တာဖြစ်ပြီးတော့ ၂၀၁၇-၁၈ ဘောလုံးရာသီမှာ ရမှတ် ၁၀၀ အထိ ပိုင်ဆိုင်ခဲ့တာပါ။ အဆိုပါရာသီရဲ့ နောက်ဆုံးပွဲမှာ ဆောက်သမ်တန်ကို ဂျီးဆပ်ရဲ့ နောက်ကျဂိုးနဲ့ အနိုင်ရရှိခဲ့ပြီး ရမှတ် ၁၀၀ ရရှိခဲ့တာပါ။ လက်ရှိမှာ လီဗာပူးလ်က

၈၆ မှတ်ပိုင်ဆိုင်ထားပြီးတော့ လက်ကျန် ၇ ပွဲထဲက ၅ ပွဲအနိုင်ရခဲ့မယ်ဆိုရင် ၁၀၁ မှတ်နဲ့ မန်စီးတီးစံချိန်ကို ရယူနိုင်မှာပါ။ ဒီမှတ်တမ်းကိုလည်း သူတို့တွေလိုက်မီနိုင်ပါသေးတယ်။ 


အိမ်ကွင်းနိုင်ပွဲအများဆုံး

ဒီမှတ်တမ်းကိုတော့ ၂၀၀၅-၀၆ မှာ ချယ်လ်ဆီး၊ ၂၀၁၀-၁၁ မှာ ယူနိုက်တက်နဲ့ ပြီးခဲ့တဲ့ရာသီမှာ မန်စီးတီးတို့ကတော့ နိုင်ပွဲ ၁၈ ပွဲစီနဲ့ စံချိန်တင်ထားခဲ့ပါတယ်။ လီဗာပူးလ်အနေနဲ့ အိမ်ကွင်းပွဲတွေအဖြစ် ဗီလာ၊ ဘန်လေ၊ ချယ်လ်ဆီးတို့နဲ့ ကစားရဖို့ရှိနေသေးပြီး လက်ရှိမှာ

၁၆ ပွဲအနိုင်ရထားတာမို့ အိမ်ကွင်းနိုင်ပွဲအများဆုံးရစံချိန်ကိုလည်း ရယူနိုင်ပါသေးတယ်။ အခွင့်အရေးကောင်းတွေကို ပိုင်ဆိုင်ထားတာဖြစ်ပြီး သူတို့ထက်ခြေစွမ်းနိမ့်တဲ့ အသင်းတွေဖြစ်ပြီး ချယ်လ်ဆီးတစ်သင်းတည်းကိုသာ သတိထားရမှာမို့ ကလော့ပ်အတွက် စံချိန်သစ်

မတင်နိုင်ရင်တောင် လိုက်မီနိုင်ပါသေးတယ်။



Author


က္က