လန်ဒန်မြို့အနေနဲ့လည်း ကိုရိုနာဗိုင်းရပ်စ်ကူးစက်ခံရမှုနှုန်းအမြင့်ဆုံးနေရာတွေထဲက တစ်ခုဖြစ်နေတဲ့အတွက်အ ရေးပေါ်စောင့်ကြည့်စစ်ဆေးမှုတွေပြုလုပ်နေတာလည်းဖြစ်ပါတယ်။

ချဲလ်ဆီးအသင်းရဲ့ လူငယ်တောင်ပံကစားသမားတစ်ဦးဖြစ်တဲ့ အော့ဒွိုင်းတွင် ရောဂါပိုးကူးစက်ခံထားရကြောင်း တွေ့ရှိခဲ့ရပြီးနောက် တစ်သင်းလုံးဆေးစစ်မှုခံယူခဲ့ရသလို ကစားသမားအများစုကို စောင့်ကြည့်အခြေအနေအ ဖြစ် သတ်မှတ်ထားတာလည်းဖြစ်ပါတယ်။

“ တကယ်ကိုဆိုးရွားတဲ့အခြေအနေပါ။ လေ့ကျင့်မှုတွေပြုလုပ်ဖို့လည်း အခက်အခဲတွေရှိနေတယ်။ ဘယ်အချိန် ပြန်ကစားခွင့်ရမလဲဆိုတာလည်း မသေချာဘူးဖြစ်နေတယ်။ အိမ်မှာရှိနေတဲ့ ဝန်ထမ်းတွေဆိုရင်လည်းအရာရာ ကို သတိထားပြီး လုပ်ဆောင်နေရတာတွေက တကယ်ကို ဆိုးရွားလွန်းပါတယ်။ လန်ဒန်က စစ်မျက်နှာပြင်လို ဖြစ်နေပါပြီ ” လို့ ဝီလျံက ထုတ်ဖော်ပြောဆိုခဲ့တာပါ။

ဥရောပနိုင်ငံများတွင် အီတလီနိုင်ငံက အဆိုးရွားဆုံးကူးစက်ခံနေရသူ သေဆုံးသူအရေအတွက်လည်း တိုးမြှင့် လာတဲ့အတွက် ဗြိတိန်နိုင်ငံအတွင်းမှာလည်း အရေးပေါ်အခြေအနေနဲ့အတူ ဆောင်ရွက်မှုများပြုလုပ်နေဆဲဖြစ် ပြီး ယမန်နေ့ထုတ်ပြန်ချက်အရ သေဆုံးသူ ၁၇၈ယောက်ရှိထားသလို ကူးစက်ခံရသူအရေအတွက် ၄၂ဝဝနီးပါး ရှိနေခဲ့တာလည်းဖြစ်ပါတယ်။