ပါတေးကတော့ မန်စီးတီးနှင့်ပွဲမတိုင်မီ လေ့ကျင့်ခန်း၂ချိန်သာ ရှိထားမှာ ဖြစ်ပြီး တီယာနေးကတော့ ကိုဗစ်ရှိသူနှင့် အနီးကပ်ထိတွေ့ခဲ့မိလို့ သီးသန့် တစ်ဦးတည်း နေနေရသူပါ။

ပါတေးကိုတော့ အာဆင်နယ်အသင်းက အက်သလက်တီကိုအသင်းထံကနေ ပေါင် ၄၅သန်းနဲ့ ခေါ်ယူခဲ့တာ ဖြစ်ပြီး မနေ့ကမှ တရားဝင် ဓာတ်ပုံတွေနဲ့တကွ အသင်းနှင့်အတူ ပူးပေါင်းနိုင်ခဲ့တာပါ။

ယနေ့ ကြာသပတေးနဲ့သောကြာနေ့ လေ့ကျင့်ခန်းတွေမှာ ပါတေးရဲ့ ကြံ့ခိုင်မှုတွေကို စတင်စစ်ဆေးမှု လုပ်ဆောင် သွားမှာ ဖြစ်တယ်လို့လည်း သိရပါတယ်။

ပါတေးနည်းတူ ကိုဗစ်ကြောင့် သီးသန့် ကွာရန်တင်းဝင်နေရတဲ့ ဘယ်နောက်ခံလူ တီယာနေးပါဝင်လာနိုင်မလားဆို တဲ့မေးခွန်းအပေါ်မှာလည်း အာတီတာက အတိအကျ မပြောနိုင်ခဲ့ပေ။

တီယာနေးကတော့ ကိုဗစ်ရောဂါပိုး တွေ့ရှိခံထားရတာ မဟုတ်ပဲ ကိုဗစ်ပိုးတွေ့ခဲ့တဲ့ စကော့တလန် အသင်းဖော်နဲ့ အနီးကပ် ရှိခဲ့တာကြောင့် အခုလို သီးသန့် တစ်ဦးတည်း နေပေးနေရတာပါ။

မန်စီးတီးအသင်းရဲ့ အိမ်ကွင်း အီတီဟတ်မှာ ကစားရမှာ ဖြစ်ပြီး နည်းပြအာတီတာအတွက်တော့ ဒီရာသီမှာ ဆရာဟောင်း ဂွါဒီယိုလာနဲ့ ပထမဆုံးအကြိမ် ရင်ဆိုင်ရမှာ ဖြစ်ပါတယ်။