ကံကောင်းခြင်းတွေ မလာခင်မှာပဲ ကံဆိုးမှုနဲ့ ရင်ဆိုင်ရတဲ့ဂွါဒီယိုလာအတွက် ဒဏ်ရာရစာရင်းက အဓိက အား နည်းချက် ဖြစ်နေပါတယ်။

အသက် ၂၉နှစ်အရွယ် ဘယ်လ်ဂျီယံ လက်ရွေးစင်ဟာ ပြီးခဲ့တဲ့ အင်္ဂလန်အသင်းနဲ့ ကစားခဲ့တဲ့ နေးရှင်းလိဂ် ပြိုင်ပွဲမှာလည်း လူစားလဲခြင်းခံခဲ့ရပါတယ်။

ဒီဘရိုင်းရဲ့ လူစားလဲခဲ့မှုနဲ့ ပတ်သက်ပြီး ဘယ်လ်ဂျီယံ နည်းပြ မာတီနက်ဇ်ကတော့ ကြိုတင်ကာကွယ်ချင်လို့ လူစား လဲခဲ့ရတာဖြစ်ပေမယ့် မန်စီးတီး နည်းပြ ဂွါဒီယိုလာကတော့ ယနေ့ပွဲကို မီနိုင်မှာမဟုတ်ဘူးလို့ ဆိုပါ တယ်။

ဒီဘရိုင်းအနေနဲ့ ဒဏ်ရာကြောင့်ပဲ ဘယ်လ်ဂျီယံနှင့်အင်္ဂလန်တို့ပွဲစဥ်အပြီးမှာ မိခင်ကလပ် မန်စီးတီးအသင်းထံ ပြန် လာခဲ့ပါတယ်။

မန်စီးတီးအသင်းကတော့ အာဆင်နယ်အသင်းနှင့်ပွဲမတိုင်မီ ကာလရှည်တစ်ခုဒဏ်ရာကြောင့် နားနေရတဲ့ အသင်းရဲ့ အဓိက တိုက်စစ်မှူး အဂူရို လေ့ကျင့်ခန်း ပြန်လည်ဆင်းလာနိုင်တာကြောင့် အင်အားဖြစ်လာရချိန် အခုလို ဒီဘရိုင်းက မပါနိုင်တော့တာကတော့ စိတ်ပျက်ဖွယ်ပါ။

“အင်တာနေရှင်နယ်ပြိုင်ပွဲတွေနဲ့ ပတ်သက်လို့ ကျွန်တော် ဘယ်တုန်းကမျှ စောဒဂ မတက်ပါဘူး။နိုင်ငံပွဲတွေက ကစားသမားတွေအတွက် ဘယ်လောက် အရေးကြီးလဲဆိုတာ ကျွန်တော်သိပါတယ်။ဒါပေမယ့် အမြဲတမ်းတော့ ကြံ့ခိုင်မှုအပြည့်နဲ့ ပြန်လာစေချင်ပါတယ်၊ဒါပေမယ့် တစ်ခါတရံ ဒါကို မထိန်းချုပ်နိုင်ပါဘူး။သိပ်ကြီးကြီးမားမား တော့ မဟုတ်ပါဘူး၊ရက်အနည်းငယ်လောက်ပဲ ကြာမယ် ထင်ပေမယ့် ဘယ်လောက်ဆိုတာတော့ မပြောတတ်ပါ ဘူး။”လို့ ဂွါဒီယိုလာက ဆက်လက်ပြောပါတယ်။

အသင်းနဲ့လည်းလေ့ကျင့်ခန်း ၃၊၄ကြိမ်လောက် လုပ်ဆောင်နေနိုင်ပြီလို့ သိရပြီး လေ့ကျင့်ခန်းလည်း အကောင်းဆုံး လုပ်ဆောင်နေနိုင်တယ်လို့ ဂွါဒီယိုလာက ဆိုပါသေးတယ်။

ဒါပေမယ့် ဂွါဒီယိုလာကတော့ အဂူရို ပါဝင်မယ့် ကိစ္စနဲ့ ပတ်သက်ပြီးတော့ ဆုံးဖြတ်ချက် မပေးနိုင်သေးပေ မယ့်လည်း ဂျာအို ကန်ဆယ်လိုနှင့်ဘာနန်ဒိုဆေးလ်ဗားတို့ကတော့ အာဆင်နယ်နှင့်ပွဲမှာ ပါဝင်လာမယ်လို့ အတည်ပြု ပေးခဲ့ပါတယ်။