ဆိုးရွားနေတဲ့ အသင်းရဲ့ ရလဒ်ပိုင်းတွေကို အကောင်းဆုံး ပြန်လည်တည်‌ဆောက်ဖို့ အချိန်တောင် ရပါ့မလားလို့ လမ်းပတ်က စိတ်ပူနေတာပါ။

ဒါပေမယ့်လည်း နိုင်ပွဲတွေ ပြန်ရှာဖို့ လုံလောက်တဲ့ အချိန်တစ်ခုတောင် မရလိုက်ခင်မှာပဲ နည်းပြနေရာက ဖယ်ပေး ရဖို့ လမ်းမြင်နေပြီလို့ လမ်းပတ်ကတော့ ထုတ်ဖော်ပြောလာပါတယ်။

လမ်းပတ်ရဲ့ ချဲလ်ဆီးဟာ လိဂ် နောက်ဆုံး ၆ပွဲမှာ နိုင်ပွဲတစ်ပွဲသာ ရထားလို့ ၎င်းနေရာမှာ အခြား နည်းပြ တစ်ဦးနဲ့ အစားထိုးဖို့ အသင်းပိုင်ရှင်က ပြင်ဆင်နေပြီလည်း ဖြစ်ပါတယ်။

“စိတ်ရှည်မှုက အဆင်ပြေမယ်ဆိုပေမယ့် ကျွန်တော်ကတော့ ဘောလုံးအတွက်သာ ပြောနိုင်ပါတယ်။ဘာလို့လဲဆို တော့ ကျွန်တော့်စီရင်ပိုင်ခွင့်နဲ့ ဆုံးဖြတ်ချက်တွေက အခြားသူတစ်ဦးရဲ့ လက်ထဲမှာမို့လို့ပါ။ကျွန်တော်ကတော့ နေ့ တိုင်း နိုးထဖို့ ဆုံးဖြတ်ချက်နဲ့ အသင်းကို အကောင်းဆုံး ဖြစ်လာဖို့ပဲ လုပ်ဆောင်နေသူပါ။လက်ရှိအချိန်မှာ နည်းပြ တစ်ဖွဲ့လုံး အရမ်းကို ခက်ခဲနေရပါပြီ။”လို့ လမ်းပတ်က ပြောပါတယ်။

ဆက်လက်ပြီးတော့လည်း အသင်းအနေနဲ့ ၁၆ပွဲဆက်တိုက်လောက် ရှုံးပွဲမရှိခဲ့ဖူးပါဘူး။အခုနောက်ဆုံး ကစားထား တဲ့ ၆ပွဲမှာ ၄ပွဲသာရှုံးပါတယ်။တစ်ပွဲနိုင်ပြီး တစ်ပွဲသရေကျပါတယ်။ဒါက အမှန်ကန်ဆုံးသော အချက်အလက်ပါပဲလို့ လည်း လမ်းပတ်က ပြောပါသေးတယ်။

ချဲလ်ဆီးအသင်းရဲ့ လက်ရှိ လူစာရင်းအရ ပျမ်းမျှအသက် ၂၆နှစ်သာ ရှိပြီး ယခုနှစ်မှာမှ ကစားသမားသစ်တွေကို ပေါင် သန်း ၂၀၀လောက်သုံးစွဲပြီး လမ်းပတ်က ဝယ်ယူထားပါသေးတယ်။

အဆိုပါ ကစားသမားတွေအနေနဲ့ ထိပ်တန်းခြေစွမ်းရှိတယ်ဆိုပေမယ့်လည်း ပရီးမီးယားလိဂ် အတွေ့အကြုံနုနယ် ကြသေးတဲ့အပေါ်မှာလည်း လမ်းပတ်က ထောက်ပြ ပြောဆိုပါတယ်။

လမ်းပတ်ရဲ့ ချဲလ်ဆီးအသင်းကတော့ လက်ရှိ ပရီးမီးယားလိဂ်မှာ ၁၇ပွဲကစား ၇ပွဲနိုင် ၅ပွဲသရေ ၅ပွဲရှုံးပြီး ရမှတ် ၂၆ မှတ်နဲ့ အဆင့် ၉နေရာမှာ ရပ်တည်နေပါတယ်။