ရုတ်ရင်း ဆန်ခတ်ကြားထဲ ညှပ်သွားခဲ့လို့ပါ။

လက်မှတ်မရတဲ့သူတွေရဲ့ တိုးဝှေ့ခြင်းကို ခံခဲ့ရပြီး လဲကျကာ နံရိုး ၂ချောင်း ကျိုး ဒဏ်ရာကို ခံစားနေတာပဲ ဖြစ်ပါ တယ်။

အင်္ဂလန်နဲ့ ယူနိုက်တက် ခံစစ်မှူး မက်ဂွဲယားဟာ အီတလီအသင်းနဲ့ ၂၀၂၀ ယူရို ဗိုလ်လုပွဲမှာ အင်္ဂလန် နောက်တန်းကို တာဝန်ယူခဲ့ရပါတယ်။

သူ့ရဲ့ ဖခင်ဖြစ်သူ အလန်ကတော့ သားဖြစ်သူနှင့် မိမိရဲ့ နိုင်ငံအသင်းကို အားပေးဖို့ ဝင်ဘလေကွင်းအတွင်း လာရောက် ကြည့်ရှုရာမှာတော့ ကံမကောင်းစွာနဲ့ နံရိုး ၂ချောင်းအထိ ကျိုးပဲ့ သွားခဲ့ရတယ်လို့ သိရပါတယ်။

ဖြစ်စဥ် ဖြစ်ပွားခဲ့တဲ့ အကြောင်းရင်းကတော့ လက်မှတ်မရတဲ့ ပရိသတ်တွေဟာ အင်္ဂလန် အသင်းရဲ့ ဗိုလ်လုပွဲစဥ်ကို ကြည့်ရှုနိုင်ဖို့အတွက် လုံခြုံရေး စည်းကို ချိုးဖောက်ဝင်ရောက်ဖို့ ကြိုးစားခဲ့ကြတာပါ။

ဒီအခါမှာတော့ လူအုပ်ကြီးကြောင့် ရုတ်ရင်းဆန်ခတ်ဖြစ်သွားခဲ့ပြီး လဲကျသူကလဲ၊ထိခိုက်မိသူက ထိခိုက်နဲ့ ဒီအထဲမှာ မက်ဂွဲယားရဲ့ ဖခင်ဟာလည်း တစ်ဦး အပါအဝင် ဖြစ်သွားရတာပါ။

တကယ်တော့ မက်ဂွဲယားရဲ့ အဖေနဲ့ အေးဂျင့်ဖြစ်သူတို့ဟာ သူတို့ အတွက် သတ်မှတ်ချက်ရထားတဲ့ ကစား သမား မိသားစု ထိုင်ခုံတွေဆီ အသွား ဖြစ်ပျက်ခဲ့တာပါ။

“လောလောဆယ်တော့ ကျွန်တော့်အဖေ အနည်းငယ်စိတ်ဖိစီးနေပါတယ်။ ကြုံသင့်တဲ့ အတွေ့အကြုံ တော့လည်း မဟုတ်ပါဘူး။ဒါပေမယ့် ကြုံလိုက်ရချိန်မှာသူ့ကို ရှော့ခ်ဖြစ်သွားစေပါတယ်။ကြောက်နေ ကြောက်နေခဲ့ပါတယ်။” လို့ မက်ဂွဲယားက The Sunကို ပြောခဲ့ပါတယ်။

မက်ဂွဲယားရဲ့ အဖေဖြစ်သူဟာ အမြဲတမ်း မက်ဂွဲယားရဲ့ ပွဲတွေဆိုရင် မက်ဂွဲယားရဲ့ တူဖြစ်သူနဲ့ ရင်သွေးဖြစ်သူတို့ကို ချီပိုးပြီး အမြဲ အားပေးနေခဲ့သူပါ။

လက်ရှိမှာတော့ မက်ဂွဲယားဟာ ပွဲလည်းရှုံး မိဘကလည်း ထိခိုက်မိနဲ့ အတော်လေးကို စိတ်မချမ်းမြေ့စရာ နေ့ရက် တွေကို ဖြတ်သန်းနေရတယ်ဆိုပေမယ့် ဒီအခြေအနေတွေက ကမ္ဘာ့ဖလား ချန်ပီယံဆုအတွက် အားတစ်ခု ဖြစ်စေခဲ့ တယ်လို့လည်း မက်ဂွဲယားက ဆိုပါသေးတယ်။



က္က