အသင်း၊ ပရိသတ်၊ နည်းပြဇီဒန်းတို့နဲ့လည်း ဘေးလ်က ဆက်ဆံရေးအဆင်မပြေဖြစ်နေခဲ့ပြီး ဒီရာသီအစမှာတော့ အသင်းဟောင်းစပါးကို အငှားနဲ့ ပြန်လည်ပြောင်းရွှေ့နိုင်ခဲ့ပြီး ပရီးမီးယားလိဂ်ကို တကျော့ပြန်ရောက်ရှိခဲ့ပြီ ဖြစ်ပါတယ်။

ဒါပေမယ့်လည်း ပြီးခဲ့တဲ့ရာသီတွေမှာ အသင်းအတွက် ပွဲကစားခွင့်ရရှိဖို့ အခွင့်အရေးနည်းပါးလာခဲ့သလို ခြေစွမ်းလည်းမပြနိုင်ခဲ့ဘဲရှိနေခဲ့ပါတယ်။ အသင်း၊ ပရိသတ်၊ နည်းပြဇီဒန်းတို့နဲ့လည်း ဘေးလ်က ဆက်ဆံရေးအဆင်မပြေဖြစ်နေခဲ့ပြီး ဒီရာသီအစမှာတော့ အသင်းဟောင်းစပါးကို အငှားနဲ့ ပြန်လည်ပြောင်းရွှေ့နိုင်ခဲ့ပြီး ပရီးမီးယားလိဂ်ကို တကျော့ပြန်ရောက်ရှိခဲ့ပြီဖြစ်ပါတယ်။

ဘေးလ်က "ကောင်းမွန်နှစ်လိုဖွယ်ရာ ပြန်လာခဲ့မှုပါ၊ စပါးက ကျွန်တော့်အတွက်တော့ စပါယ်ရှယ်အသင်းတစ်သင်းပါပဲ၊ ဒီအသင်းမှာ ကျွန်တော့်နာမည်ကို ရေးထိုးထားခဲ့ပါတယ်၊ အခုဆိုရင် ကျွန်တော် ပွဲကစားဖို့ ကြံ့ခို်င်မှုပြည့်ဝနေမယ်လို့ မျှော်လင့်ထားပါတယ်၊ အသင်းကို အမှန်တကယ်ကူညီပေးနိုင်မှာဖြစ်ပြီး ဆုဖလားတွေဆွတ်ခူးနိုင်မယ်လို့လည်း မျှော်လင့်ထားပါတယ်" လို့ ပြောဆိုခဲ့ကြောင်း BBC က ဖော်ပြခဲ့ပါတယ်။ 

စပါးကတော့ ဂါရတ်ဘေးလ်နဲ့အတူ ရီးရဲလ်ကစားသမားတစ်ဦးပဲဖြစ်တဲ့ ဘယ်နောက်ခံလူရီဂွီလွန်ကိုပါ ေါ်ယူနိုင်ခဲ့တာဖြစ်ပါတယ်။ ဂါရတ်ဘေးလ်ဟာ ဗြိတိန်သမိုင်းမှာ စျေးအကြီးဆုံးကစားသမားအဖြစ် ဆက်လက်ရပ်တည်နေဆဲဖြစ်ပြီး ရီးရဲလ်အတွက် လာလီဂါမှာ ဂိုးပေါင်း ၈၀ နဲ့ ဖန်တီးမှု ၄၀ ပြုလုပ်ပေးခဲ့ပြီး ၁၀၄ မိနစ်ကစားပြီးတိုင်း တစ်ဂိုး ဒါမှမဟုတ် ဖန်တီးမှုတစ်ကြိမ် ပြုလုပ်ထားပေးနိုင်ခဲ့ပါတယ်။