နှစ်ဖက်အသင်းသတင်းများ

- ချယ်လ်ဆီးအသင်းမှာ ဟာဇက်၊ ဒေးဗစ်လုဇ် နဲ့ ကိုဗာဆစ်တို့ဟာ အသင်းနဲ့အတူ လိုက်ပါသွားခြင်းမရှိပါဘူး။

- လော့တပ်ချိခ် ပါဝင်နိုင်မယ်လို့ အာမမခံနိုင်ဘူးလို့ နည်းပြဆာရီက ပြောကြားထားပါတယ်။

- ဂယ်ရီကာဟေးလ် ချယ်လ်ဆီးအတွက် ပွဲထွက်ပါဝင်လာဖွယ်ရှိပါတယ်။

Photo : 90 min

- PAOK ကစားသမား ချူဘာအေပွန်ကတော့ အာဆင်နယ်မှာ အသင်းဖော်ဟောင်းဖြစ်ခဲ့တဲ့ ဂီရော့ဒ်နဲ့ ပြန်လည်ရင်ဆိုင်ရတော့မှာပါ။

- ဒါ့အပြင် နာပိုလီမှာ ဆာရီနဲ့ လက်တွဲခဲ့ဖူးတဲ့ အိုမာအယ်လ်ကတ်ဒ်ဒူရီကတော့ ဆာရီနဲ့ ပြန်လည်ရင်ဆိုင်မှာလည်း ဖြစ်ပါတယ်။

- PAOK တိုက်စစ်မှူး ပရီဂျိုဗစ်ဟာ တံကောက်ကြောဒဏ်ရာကနေ ပြန်လည်သက်သာလာပြီလို့ သိရပါတယ်။

အချက်အလက်များ

Photo : 90 min

- သမိုင်းတစ်လျှောက် ပထမဆုံးအကြိမ် ရင်ဆိုင်ရတာ ဖြစ်ပါတယ်။

- PAOK ဟာ အင်္ဂလန်ကလပ်တွေနဲ့ (၄)ကြိမ်ရင်ဆိုင်ဖူးပြီး ရှုံးပွဲမရှိသေးပါဘူး။

- အာဆင်နယ်၊ စပါးတို့နဲ့ ရင်ဆိုင်ဖူးပြီး နောက်ထပ်လန်ဒန်ကလပ်နဲ့ ထပ်မံရင်ဆိုင်ရမှာပါ။

Photo : 90 min

- PAOK ကတော့ ယူရိုပါလိဂ်မှာ ၃၂သင်းအဆင့်ကို အမြင့်ဆုံးတက်ရောက်ဖူးတာပါ။

- ချယ်လ်ဆီးကတော့ ယူရိုပါလိဂ်ဖလားကို ၂၀၁၃ တုန်းက ဆွတ်ခူးဖူးပါတယ်။

- ချယ်လ်ဆီးနည်းပြ ဆာရီဟာ ယူရိုပါလိဂ်အုပ်စုပွဲစဉ်တွေကို ၂၀၁၅-၁၆ တုန်းက နာပိုလီနဲ့အတူ ကစားခဲ့ပြီး ပွဲတိုင်းအနိုင်ရထားပါတယ်။

ဖြစ်နိုင်ဖွယ် ကစားကွက်

ချာလီရဲ့ ခန့်မှန်းချက်

ဟာဇက် ပါဝင်လာခြင်းမရှိတာက ချယ်လ်ဆီးကို အသွင်သစ်နဲ့ မြင်တွေ့ရမှာပါ။ လော့တပ်ချိခ်ကို နေရာပေးနိုင်ဖွယ်ရှိပြီး အင်္ဂလန်ကစားသမားဟာ ဂိုးသွင်းနိုင်ဖွယ်ရှိပါတယ်။ ဒီပွဲမှာ နှစ်သင်းပေါင်းသွင်းဂိုးနည်းပါးနိုင်ပြီး ချယ်လ်ဆီးက တစ်ဂိုး-ဂိုးမရှိနဲ့ နိုင်သွားမယ်လို့ ထင်ပါတယ်။