နှစ်ဖက်အသင်းသတင်းများ

- မန်ယူတိုက်စစ်မှူး လူကာကူကတော့ ကြွက်သားဒဏ်ရာ ရရှိနေလို့ ဒီပွဲကို လွဲချော်မယ်လို့ သိရပြီး မန်ချက်စတာဒါဘီပွဲကျမှ ကစားနိုင်မှာပါ။

- ဒါလော့ကတော့ ဒဏ်ရာကြောင့် မကစားနိုင်သေးပဲ ဗလန်စီယာ နဲ့ ဖယ်လိုင်နီတို့ကတော့ အသင်းနဲ့အတူ လေ့ကျင့်ခန်းဆင်းနေပါတယ်။

- ဒဏ်ရာရနေတဲ့ မန်ဇူကစ် ပြန်လည်သက်သာလာပြီး ကစားနိုင်တဲ့ အခြေအနေမှာ ရှိတယ်လို့ အယ်လီဂရီက အတည်ပြုထားပါတယ်။

အချက်အလက်မှတ်တမ်းများ

Photo : 101 Great Goal

- ဂျူဗင်တပ်စ် နဲ့ မန်ယူတို့ ဥရောပပြိုင်ပွဲတွေမှာ (၁၄)ကြိမ်မြောက် ရင်ဆိုင်ရတာ ဖြစ်ပြီး ဂျူဗင်တပ်စ်က (၆)ပွဲနိင်ထားပြီး မန်ယူက (၅)နိုင်ကာ (၂)ပွဲ သရေကျထားပါတယ်။

- မန်ယူဟာ ချန်ပီယံလိဂ်ပွဲအဖြစ် ဂျူဗင်တပ်စ်ကွင်းမှာ သွားကစားခဲ့တဲ့ နောက်ဆုံး (၂)ပွဲကို အနိုင်ရထားပြီး ၃-၂ နဲ့ တစ်ပွဲ၊ ၃-၀ နဲ့ တစ်ပွဲ အနိုင်ရထားဖူးပါတယ်။

Photo : 101 Great Goal

- ဂျူဗင်တပ်စ်ဟာ ချန်ပီယံလိဂ်ပွဲရဲ့ အုပ်စုအဆင့်မှာ အိမ်ကွင်းပွဲ (၃၅)ပွဲ ကစားထားပြီး (၁)ပွဲသာ ရှုံးနိမ့်ထားပါတယ်။

- မန်ယူကတော့ ချန်ပီယံလိဂ်ပွဲ နောက်ဆုံးနှစ်ပွဲမှာ ဂိုးပေါက်ပျောက်ထားပြီး ၂၀၀၅ ခုနှစ်၊ နိုဝင်ဘာလကတည်းက ချန်ပီယံလိဂ်မှာ (၃)ပွဲဆက် ဂိုးပေါက်မပျောက်ဖူးပါဘူး။

Photo : 101 Great Goal

- ဂျူဗီတိုက်စစ်မှူး ရော်နယ်ဒိုဟာ သူ့ရဲ့ ချန်ပီယံလိဂ်နောက်ဆုံး (၅)ပွဲမှာ ဂိုးပေါက်ပျောက်ထားပြီး စုစုပေါင်း (၃၈၉)မိနစ်မှာ (၁၅)ကြိမ် ဂိုးကန်သွင်းခွင့်ရခဲ့ပေမယ့် တစ်ဂိုးမှ မရခဲ့တာ ဖြစ်ပါတယ်။

ဖြစ်နိုင်ဖွယ် လူစာရင်း

ချာလီရဲ့ ခန့်မှန်းချက်

Photo : 101 Great Goal

- ဒီဘာလာက ကျွန်တော် အမြဲတမ်းသဘောကျတဲ့ ကစားသမားတစ်ယောက်ပါ၊ အိုးထရက်ဖို့ဒ်ပွဲမှာလည်း သူ ခြေစွမ်းပြနိုင်ခဲ့ပြီး ရော်နယ်ဒိုကလည်း အကောင်းဆုံးကစားနိုင်ခဲ့ပါတယ်၊ ဂျူဗင်တပ်စ်အပေါ်မှာ လုံးလုံးကြီး အထင်ကြီးလို့တော့ မရသေးပါဘူး၊ ရော်နယ်ဒိုရောက်လာလို့ သူတို့က အင်အားတောင့်တင်းသွားတယ်ဆိုပေမယ့်လည်း ကျွန်တော်ကတော့ အဲဒီလို မထင်သေးပါဘူး။ ဒါပေမယ့် ဒီပွဲမှာတော့ သူတို့က ယူနိုက်တက်ကို အနိုင်ကစားသွားပါလိမ့်မယ်။ ဂျူဗီ ၂-၀ ယူနိုက်တက် လို့ ဖြစ်နိုင်ပါတယ်။