Photo : Gist Junction

Photo : AS

"ဟိုတယ်ကနေ ၁၉း၄၅ နာရီမှာ ထွက်ခွာလာခဲ့ပြီး မိန်းလမ်းမကြီးပေါ်ကို ကားက တက်ဖို့ ပြုလုပ်ခဲ့စဉ်မှာပဲ ပေါက်ကွဲခဲ့တာပါ၊ ကျွန်တော်က ဘာထရာရဲ့နောက်မှာ ထိုင်နေတာဖြစ်ပြီး သူကတော့ ပေါက်ကွဲမှုဖြစ်ပွားခဲ့တဲ့ ပြတင်းပေါက်နားမှာပါ၊ ပေါက်ကွဲသံကြားပြီး ကျွန်တော်တို့အားလုံး ကြမ်းပြင်ပေါ် ဝပ်နေခဲ့ရပါတယ်၊ ဘာတွေဖြစ်ခဲမှန်းကို မသိတော့သလို အဲဒီအချိန်မှာ ဘောလုံးကစားဖို့လည်း မတွေးတောနိုင်တော့ပါဘူး" လို့ ဒေါ့မွန်အသင်းရဲ့ ဂိုးသမား ရိုမန်ဘလစ်က ပေါက်ကွဲမှုအပြီးမှာ ပြောကြားခဲ့ပါတယ်။

Photo : AS

ချက်ချင်းဆိုသလို ရဲတပ်ဖွဲ့က လိုက်လံစုံစမ်းခဲ့ပြီးနောက် တရားခံဖြစ်သူ ဆာဂွီဝါနာဂိုးလ်ကို ထိန်းသိမ်းနိုင်ခဲ့ပြီး (၁)နှစ်ခန့်အကြာမှာ အပြစ်ဒဏ်ချမှတ်ခဲ့တာ ဖြစ်ပါတယ်။ ဝါနာဂိုးလ်အနေနဲ့ သူ့ရဲ့ လုပ်ရပ်အတွက် ရှည်လျားများပြားတဲ့ ထောင်ဒဏ်ကို ခံစားရတော့မှာလည်း ဖြစ်ပါတယ်။ ကွာတားဖိုင်နယ်ပွဲကစားခဲ့တဲ့ အခါမှာတော့ ဒေါ့မွန်အသင်းဟာ အိမ်ကွင်းမှာ မိုနာကိုအသင်းကို ၂-၃ နဲ့ အရေးနိမ့်ခဲ့ပါတယ်။

ထိတ်လန့်စရာအဖြစ်ကို ရင်ဆိုင်ခဲ့ရပြီးနောက်မှာ ဒေါ့မွန်အသင်းတာဝန်ရှိသူတွေ အပါအဝင် ရဲတပ်ဖွဲ့ကပါ တရားခံကို ဖော်ထုတ် ဖမ်းဆီးနိုင်ဖို့အတွက် စွမ်းစွမ်းတမံကြိုးစားခဲ့ကြတာ ဖြစ်ပါတယ်။ Iduna ပန်းခြံအနီးမှာ ဖြစ်ပွားခဲ့တာဖြစ်ပြီး ဝါနာဂိုးလ်အနေနဲ့ အပြစ်ရှိကြောင်း ထင်ရှားတဲ့အတွက် စီရင်ချက်ချမှတ်ခံခဲ့ရပါတော့တယ်။