ချန်ပီယံလိဂ်ဗိုလ်လုပွဲအပြီး အင်တာဗျူတစ်ခုမှာ ပြောသွားတာ ဖြစ်ပြီး ပိုလန်လိုပြောခဲ့တာကို အားကစားသုံးသပ်သူကာရေဂါက အင်္ဂလိပ်လို ဘာသာပြန်ပေးထားတာပါ။
ချန်ပီယံလိဂ်ဆုဖလားကို ကိုင်မြှောက်နိုင်ခဲ့ပြီးနောက် အကောင်းဆုံး ကျောနံပါတ် ၉ကစားသမားက သူသာ ဖြစ်ပြီး လူကာကူမဟုတ်ဘူးလို့ လီဝန်ဒေါစကီးက စနောက်ပြောဆိုသွားခဲ့ပါတယ်။
ပိုလန်သတင်းမီဒီယာတစ်ခုနဲ့ ပြုလုပ်ခဲ့တဲ့ ပွဲအပြီး အင်တာဗျူးတစ်ခုမှာ လီဝန်ဒေါစကီးက ပိုလန်ပို ပြန်ဖြေခဲ့ ပေမယ့် CBS Sportမှာ ပွဲသုံးသပ်သူအဖြစ် ပြောနေတဲ့ လီဗာပူးနဲ့ အင်္ဂလန်နောက်ခံလူဟောင်း ကာရေဂါက ဘာသာပြန်ပေးခဲ့တာပါ။
“ဘဝမှာ အကောင်းဆုံး ခံစားချက်ပါပဲ၊နောက်ဆုံးကစားခဲ့ဖူးတဲ့ ချန်ပီယံလိဂ်ဗိုလ်လုပွဲမှာ ဘိုင်ယန်ကိုရှုံးပြီး နောက် အခုလို ဘိုင်ယန်နဲ့အတူချန်ပီယံလိဂ်ဆုဖလား ရယူနိုင်မယ်လို့ မထင်ထားခဲ့ပါဘူး။မယုံကြည်နိုင်သေး ဘူးဖြစ်နေပါတယ်။ဒါပေမယ့်ကျွန်တော် ဂိုးမသွင်းနိုင်သေးတာလေးတော့ အနည်းငယ်စိတ်ပျက်စရာပါပဲ။ဘ လွန်းဒီအောဆုအတွက်လည်း ကျွန်တော့်အတွက် ထိုင်တန်ကောင်းထိုက်တန်နိုင်မှာပါ။အကောင်းဆုံး နံပါတ် ၉က ကျွန်တော်ပါ လူကာကူမဟုတ်ပါဘူး။”လို့ လီဝန်ဒေါစကီးက ပိုလန်လို ဖြေသွားတာ ဖြစ်ကြောင်း ကာရေဂါက အင်္ဂလိပ်လို ဘာသာပြန်ပေးခဲ့တာပါ။
ဒီလိုဘာသာပြန်ပေးလိုက်ချိန်မှာတော့ အတူယှဥ်တွဲထိုင်နေတဲ့ လူကာကူရဲ့ ဘယ်လ်ဂျီယံလက်ရွေးစင် နည်းပြ မာတီနက်ဇ်က ရယ်မောလျက် - တကယ်ကို အခိုင်အမာယုံကြည်ထားတာပဲ”လို့ ထောက်လိုက်ပါတယ်။
ဘိုင်ယန်မြူးနစ်အသင်းကတော့ ချန်ပီယံလိဂ် ဆုဖလားကို ၆ကြိမ်မြောက်ကိုင်မြှောက်နိုင်ခဲ့ပေမယ့် လီဝန် အတွက်တော့ ပထမဆုံး ဆုဖလားပါ။
ဒီနှစ်မှာ ကိုဗစ်ကြောင့် ချန်ပီယံလိဂ်ပွဲတွေကို ပုံမှန် နှစ်ကျော့ ကစားရမှာ ဖြစ်ပေမယ့် တစ်ကျော့တည်းသာ ကစားစေခဲ့ပါတယ်။
ဘောလုံးကွင်းကိုလည်း ကြားတစ်နိုင်ငံတည်းမှာ စုစည်းပြီး ကစားစေခဲ့ပြီး နှစ်စဥ် ပေးအပ်နေတဲ့ ဘလွန်းဒီ အောဆုကိုလည်း မပေးအပ်တော့ဘူးလို့ ထုတ်ပြန်ထားလို့ ဝေဖန်မှုတွေရှိနေပါတယ်။