ကိုရိုနာဗိုင်းရပ်စ်အန္တရာယ်ကြောင့် ထိပ်တန်းအမှတ်ပေးလိဂ်များရွှေ့ဆိုင်းနေစဉ်အတွင်း ဆုံးဖြတ်ချက်ပိုင်းကြန့် ကြာမှုများရှိနေခဲ့တဲ့ ဥရောပဘောလုံးအဖွဲ့ချုပ်အပေါ် ဝေဖန်မှုအချို့လည်း ရှိနေခဲ့ပါတယ်။

ပရိသတ်များအနေနဲ့ ရွှေ့ဆိုင်းခဲ့ပြီဖြစ်တဲ့ ယူရို ၂၀၂၀ ပြိုင်ပွဲလိုဂိုသင်္ကေတကို ပြောင်းလဲပေးဖို့အလိုရှိနေကြတာ ဖြစ်ပြီး လက်ရှိအတိုင်းထားရှိထားခြင်းက အဖွဲ့အစည်းရဲ့ လုပ်ရည်ကိုင်ရည်စွမ်းဆောင်မရှိတဲ့အပြုအမူဖြစ်တယ် လို့ ယူဆနေကြတာလည်းဖြစ်ပါတယ်။

“ ယူရိုပြိုင်ပွဲကို ၂၀၂၁အထိ ရွှေ့ဆိုင်းပြီး ဘာထပ်လုပ်မှာလဲ ”၊ “ ၂၀၂၁မှာကျင်းပမယ့် ပြိုင်ပွဲအတွက်လည်း ဒီအ မှတ်တံဆိပ်လိုဂိုပဲ သုံးမှာလား ”၊ “ ၂၀၂၁မှာ ယှဉ်ပြိုင်ကြမယ့် ယူရို ၂၀၂၀ ”၊ “ဖီဖာ၂၀၂၂ဗီဒီယိုဂိမ်းကစားနေတဲ့ အချိန်ယူရို ၂၀၂၀ ပြိုင်ပွဲအကြောင်းပြောရမှာလား” အစသဖြင့် ဝေဖန်နေကြတာလည်းဖြစ်ပါတယ်။

ယူအီးအက်ဖ်အေတာဝန်ရှိသူတွေအနေနဲ့ ယူရို ၂၀၂၀ ပြိုင်ပွဲကို ရွှေ့ဆိုင်းဖို့ အကြိမ်ကြိမ်ဆွေးနွေးညှိနှိုင်းမှုများပြု လုပ်ခဲ့ရပြီး ဥရောပနိုင်ငံတွေအတွင်း ရောဂါကူးစက်ခံရမှုနှုန်းမြင့်တက်လာခြင်းအပြင် အိမ်ရှင်အဖြစ်လက်ခံကျင်း ပမယ့် အီတလီနိုင်ငံအတွင်း အဆိုးရွားအခြေအနေရှိလာခဲ့တဲ့အတွက် ၂၀၂၁၊စက်တင်ဘာသို့ ရွှေ့ဆိုင်းကြောင်း သဘောတူအတည်ပြုချက်ထုတ်ပြန်ခဲ့တာလည်းဖြစ်ပါတယ်။