ရီးရဲလ်မက်ဒရစ်အသင်းမှ လူငယ်ကစားသမား မားကို့အဆန်စီယိုဟာ ရီးရဲလ်မက်ဒရစ်ရဲ့ ကျောနံပါတ် (၇)ကို ဝတ်ဆင်ခွင့် ရရှိမယ့် အခွင့်အရေးကို ငြင်းဆန်ခဲ့တယ်လို့ သိရပါတယ်။ လက်ရှိမှာ ကျောနံပါတ် (၇)ကို အသစ်ခေါ်ယူလိုက်တဲ့ တိုက်စစ်မှူး မာရီယာနိုက ဝတ်ဆင်နေတာ ဖြစ်ပြီး ဂျာစီ (၇) ဟာ အသင်းကထွက်ခွာခဲ့တဲ့ ရော်နယ်ဒို (၈)နှစ်ကြာ ဝတ်ဆင်ခဲ့တဲ့ ဂျာစီ ဖြစ်ပါတယ်။
Photo : 90 min
Julio Maldonado ရဲ့ ပြောကြားမှုအရ ရော်နယ်ဒိုထွက်ခွာသွားပြီးနောက်မှာ ရီးရဲလ်မက်ဒရစ်အသင်းဟာ အဆိုပါဂျာစီအတွက် အဆန်စီယိုကို ပထမဆုံးအကြိမ် ကမ်းလှမ်းမှု ပြုလုပ်ခဲ့တာ ဖြစ်ပါတယ်။ အဆန်စီယိုကတော့ ရီးရဲလ်နည်းပြဟောင်း ဇီဒန်းလက်ထက်မှာ အသင်းကြီးကို ရောက်ရှိလာပြီး ခြေစွမ်းတိုးတက်လာမှုတွေကြောင့် မကြာခဏ ပွဲထွက်ခွင့် ရရှိခဲ့သူ ဖြစ်ပါတယ်။
Photo : 90 min
"ရီးရဲလ်က မားကို့အဆန်စီယိုကို ဂျာစီ (၇)အတွက် ကမ်းလှမ်းမှုတွေ ပြုလုပ်ခဲ့ပေမယ့် ကစားသမားကတော့ ငြင်းဆိုခဲ့ပါတယ်၊ အသင်းက မာရီယာနိုကို ခေါ်ယူခဲ့အပြီးမှာတော့ ရော်နယ်ဒိုရဲ့ ကျောနံပါတ်ကို ဝတ်ဆင်ဖို့ ပေးအပ်စေခဲ့ပါတယ်" လို့ စပိန်အားကစားသတင်းထောက် ဂျူယီယိုမယ်ဒိုနာဒိုက ပြောကြားခဲ့ပါတယ်။
Photo : 90 min
အဆန်စီယိုကတော့ ရီးရဲလ်မက်ဒရစ်မှာ ဂျာစီနံပါတ် (၂၀)ကို ဝတ်ဆင်ကစားနေသူ ဖြစ်ပြီး မာယော့ကာအသင်းကနေ ရီးရဲလ်မက်ဒရစ်ကို လွန်ခဲ့တဲ့ (၂)နှစ်က ပြောင်းရွှေ့လာခဲ့တာ ဖြစ်ပါတယ်။ အဆန်စီယိုအနေနဲ့ ကြိုးစားအားထုတ်မှုတွေကြောင့် ဘာနေဗျူးရဲ့ အရေးပါတဲ့ ကစားသမားအဖြစ် ဖြစ်တည်လာခဲ့ပြီး ဂန္ထဝင်ကျောနံပါတ်အတွက် ကမ်းလှမ်းခံခဲ့ရပေမယ့် ငြင်းဆန်ခဲ့တာ ဖြစ်ပါတယ်။
Photo : 90 min
မာရီယာနိုကတော့ ရီးရဲလ်မက်ဒရစ်ကနေ ထွက်ခွာပြီး တစ်နှစ်အကြာမှာ ပြန်လည်ရောက်ရှိလာပြီးနောက် ဂျာစီ (၇)ကို ဝတ်ဆင်ကစားခွင့် ရရှိခဲ့တာ ဖြစ်ပါတယ်။ လိုင်ယွန်အသင်းမှာ တစ်ရာသီကြာ ကစားခဲ့တဲ့ မာရီယာနိုဟာ ပြီးခဲ့တဲ့ ဘောလုံးရာသီက အသင်းအတွက် (၂၁)ဂိုး အထိ သွင်းယူပေးခဲ့ပြီး ခြေစွမ်းပြခဲ့သူ ဖြစ်ပါတယ်။