ချဲလ်ဆီးနဲ့ပွဲအပါအဝင် ကြားထဲမှာ ၆ပွဲလွဲချော်မှာ ဖြစ်လို့ ဘိုင်ယန်အတွက် များစွာ နစ်နာခဲ့ရပါတယ်။
ချဲလ်ဆီးကို ၃-၀ နဲ့ အနိုင်ရခဲ့တဲ့ပွဲအပြီးမှာ ဘိုင်ယန်မြူးနစ် တိုက်စစ်မှူး လီဝန်ဒေါစကီး ခြေထောက် ဒဏ်ရာ အနည်းငယ်ရရှိခဲ့တယ်လို့ သိရပါတယ်။
BBC SPORT ရဲ့ ဖော်ပြချက်အရ အနည်းဆုံး ၄ ပတ်ခန့်နားရမှာ ဖြစ်လို့ ချဲလ်ဆီးနဲ့ အိမ်ကွင်းပြန်ကစားမယ့် ချန်ပီယံ လိဂ် ဒု-ကျော့ကို မပါဝင်နိုင်တော့ပါဘူး။
လီဝန်ဒေါစကီးကတော့ ချဲလ်ဆီးအသင်းဖက်ကို ချန်ပီယံလိဂ် ၁၆သင်းအဆင့် ပ-ကျော့မှာ တစ်ဂိုးသွင်းပြီး ၂ ဂိုးဖန်တီးပေးထားနိုင်ခဲ့သူပါ။
အနားယူရမယ့် ၄ပတ်တာကာလအတွင်းမှာ ဘိုင်ယန်မြူးနစ်အတွက် ၆ပွဲလောက် လက်လွှတ်ထားရဖို့ ရှိနေ ပါတယ်။
အမှတ်ပေးဇယားမှာ လိုက်ပ်ဇက်ထက် ၁ မှတ်သာ အသာရနေတဲ့ ဘိုင်ယန်အတွက် လီဝန်လွဲချော်မယ့်ပွဲတွေက လိဂ် ၄ ပွဲအပါအဝင်ရှော်လ်ကေးနဲ့ ဂျာမန်ဖလား ကွာတားဖိုင်နယ်၊ချဲလ်ဆီးနဲ့ ချန်ပီယံလိဂ် ၁၆သင်းအဆင့် ဒု-ကျော့ ပွဲတွေ ဖြစ်ပါတယ်။
အသက် ၃၁ နှစ်အရွယ် လီဝန်ဒေါစကီးကတော့ ဒီနှစ်ဘောလုံးရာသီမှာ ဘိုင်ယန်အတွက် ၃၃ပွဲကစားအပြီး ၃၉ ဂိုးအထိသွင်းယူပေးထားသူပါ။