အီတလီစီးရီးအေအသင်းတွေထဲမှာ ရောဂါပိုးကူးစက်ခံရမှုအများဆုံးဖြစ်ခဲ့တဲ့ ဂျူဗင်တပ်အသင်းအနေနဲ့ တာဝန် ရှိသူတွေရဲ့ ညွှန်ကြားချက်အားလုံးကို ပူးပေါင်းလုပ်ဆောင်ခဲ့ တာလည်းဖြစ် ပါတယ်။
ကိုရိုနာဗိုင်းရပ်စ်ကြောင့် နိုင်ငံ့စီးပွားရေးအခြေအနေအဆိုးရွားဆုံးဖြစ်လာနို်င်တဲ့အခြေအနေမှာ ပရော်ဖက်ရှင်န ယ်ကလပ်အသင်းတွေရဲ့ ဘဏ္ဍာရေးအခြေအနေကလည်း ယိမ်းယိုင်လာဖို့ရှိနေတဲ့အတွက် လစာငွေမယူကြဖို့ ဆုံးဖြတ်ခဲ့တဲ့ ဂျူဗင်တပ်အသင်းရဲ့ဆုံးဖြတ်ချက်ကို အီတလီဘောလုံးအဖွဲ့ချုပ်ဥက္ကဋ္ဌဂရာဗီနာက တောင်းဆိုပြော ဆိုလိုက်ပါတယ်။
ဂျူဗင်တပ်အသင်းရဲ့ နည်းပြဆာရီအပါအဝင် ထိပ်တန်းကစားသမားတွေဖြစ်တဲ့ ဘတ်ဖွန်၊ စီရော်နယ်ဒို၊ ဒိုင်ဘာ လာ၊ ချီလီနီ၊ ရာဘီယော့ခ်တို့အပါအဝင် ကစားသမားအားလုံးဟာ အခုလတွင်ရရှိမယ့် လစာငွေအပါအဝင်လာ မယ့် ဇွန်လအထိ လစာငွေ လေးလစာကို မယူတော့ဘူးလို့ အတည်ပြုပြောဆိုခဲ့တာလည်းဖြစ်ပါတယ်။
“ ဂျူဗင်တပ်အသင်းနည်းပြနဲ့အသင်းသားတွေရဲ့ လုပ်ဆောင်မှုကို အသိအမှတ်ပြုရမှာပါ။ အခက်အခဲတွေဖြစ်နေ တဲ့အချိန်အခုလိုပူးပေါင်းခဲ့တဲ့ ချီလီနီနဲ့အသင်းသားတွေ၊ နည်းပြဆာရီတို့ရဲ့ လုပ်ရပ်က တကယ်ကိုချီးကျူးရမှာ ပါ။ ဘောလုံးလောကသားအားလုံတစုတစည်းတည်း ဖြစ်ရမယ့်အချိန်ရောက်လာခဲ့ပါပြီ ” လို့ အီတလီဘောလုံး အဖွဲ့ချုပ်ဥက္ကဋ္ဌဂရာဗီနာရဲ့ မှတ်ချက်ကို footballitalia က ဖော်ပြခဲ့တာပါ။
စီးရီးစီကလပ်ပီရာနက်စီအသင်းရဲ့ ကစားသမားတစ်ဦး ရောဂါပိုးကူးစက်ခံထားရကြောင်း စစ်ဆေးတွေ့ရှိခဲ့ပြီးတဲ့ နောက် ပြိုင်ဘက်အဖြစ်ရင်ဆိုင်ခဲ့တဲ့ ဂျူဗင်တပ်အရံအသင်းမှာပါ ကူးစက်ခံရသူများရှိလာခဲ့သလို အသင်းကြီး ကစားသမားတွေဖြစ်တဲ့ ဒိုင်ဘာလာ၊ မာတူဒီ၊ ရူဂါနီတို့ကိုလည်း ရောဂါပိုးထပ်မံကူးစက်ခဲ့တာလည်းဖြစ်ပါတယ်။
လက်ရှိမှာတော့ ကစားသမားအားလုံးရောဂါအခြေအနေကြောင့် စိုးရိမ်ရတဲ့အခြေအနေကိုကျော်လွန်နိုင်ခဲ့ပြီဖြစ် သလို အသင်းတာဝန်ရှိသူတွေအနေနဲ့လည်း ကစားသမားတွေနဲ့အတူပူးပေါင်းပြီး နိုင်ငံအတွင်းလိုအပ်တဲ့ဆေးဝါး ကရိယာများကို လှူဒါန်းမှုတွေပြုလုပ်ပြီး ရောဂါကူးစက်မှုနှုန်းလျော့ကျရေးအတွက် ထိန်းချုပ်နိုင်ဖို့ အားစိုက်လုပ် ဆောင်နေရဆဲဖြစ်ပါတယ်။