ယူရိုပါလိဂ် ဆီမီးဖိုင်နယ်အဆင့်ကနေ ယူနိုက်တက်အသင်း လှည့်ပြန်ခဲ့ရတဲ့အတွက် ဥရောပ စစ်မျက်နှာပြင် တိုက်ပွဲမှာ နောက်ထပ် ထွက်စရာ အင်္ဂလန်အသင်းမကျန်တော့ပါဘူး။

-       ၂၀၁၄-၁၅ခုနှစ် ဘောလုံးရာသီက ဘာစီလိုနာအသင်း တစ်ရာသီအတွင်း ပင်နယ်တီ ၂၄လုံးရရှိခဲ့မှုပြီးရင်အခု ယူနိုက်တက်ရဲ့ ပင်နယ်တီ အရေအတွက်က ဥရောပ ထိပ်တန်းလိဂ် ၅ခုမှာ အများဆုံးရရှိတာပါ။

-       ယူနိုက်တက်အသင်းဟာ အခု ဆီမီးဖိုင်နယ်မတိုင်ခင် အဓိက ဥရောပ ပြိုင်ပွဲတွေမှာ ဆီမီးဖိုင်နယ် ကစားခွင့်ရတဲ့ နောက်ဆုံး ၄ကြိမ်ဆက် ဖိုင်နယ်ကို တက်လှမ်းထားပါတယ်၊အဲ့နှစ်တွေကတော့ ၂၀၀၇-၀၈၊၀၈-၀၉၊၁၀-၁၁နဲ့ ၁၆-၁၇တို့ ဖြစ်ပါတယ်။ချန်ပီယံလိဂ် ၃ကြိမ်နဲ့ယူရိုပါလိဂ်၁ကြိမ်ဖြစ်ပေမယ့် အခု တစ်ကြိမ်တော့ အဆိုပါ စံချိန် ပျက်ပြယ်ခဲ့ပါပြီ။

-       ယူနိုက်တက်ရဲ့ တိုက်စစ်ဟာ ကိုပင်‌‌‌ဟေဂင်နဲ့ ကစားခဲ့တဲ့ ကွာတားဖိုင်နယ်ပွဲအပါအဝင် ဆီမီးဖိုင်နယ် နှစ်ပွဲမှာ ဂိုးကန်သွင်းခွင့် ၄၆ကြိမ်၊ဂိုးပေါက်တည့်မှု ၂၁ကြိမ်ရခဲ့ပေမယ့် နှစ်ပွဲမှာနှစ်ဂိုးသာ သွင်းနိုင်ခဲ့ပါ တယ်။ဒီနှစ်ဂိုးကိုလည်း ပင်နယ်တီကနေ သွင်းယူနိုင်တာပါ။

-       ယူနိုက်တက်ကို နိုင်သွားတဲ့ ဆီဗီလာဟာ ယူအီးအက်ဖ်အေဖလား/ယူရိုပါလိဂ်ဖလား ဗိုလ်လုပွဲကို ၆ကြိမ်မြောက်တက်လှမ်းပြီး အခြားသော အသင်းတွေထက် အကြိမ်ရေ ပိုများပါတယ်။

-       ဆီဗီလာအသင်းဟာ ယူရိုပါလိဂ် ဗိုလ်လုပွဲကို တက်လှမ်းထားတဲ့ နောက်ဆုံး ၃နှစ်ဆက်တိုက် ဆုဖလား သိမ်းပိုင်ထားနိုင်တဲ့ စံချိန်ကောင်းကို ပိုင်ဆိုင်ထားပါတယ်။၂၀၁၃-၁၄၊၁၄-၁၅နဲ့၁၅-၁၆နှစ်တွေမှာ ၃နှစ်ဆက်တိုက်တက်လှမ်းရယူထားတာပါ။

ဆီဗီလာအသင်းကတော့ ယူရိုပါလိဂ်သမိုင်းမှာ ၅ကြိမ်အထိ ချန်ပီယံ ဖြစ်ထားပြီး အအောင်မြင်ဆုံးအသင်းလို့ ဆိုရမှာ ဖြစ်ပါတယ်။ မနက်ဖြန်မှာ ကစားမယ့် အင်တာမီလန် ရှက်တာဒိုးနက်အသင်းထဲက အနိုင်ရ အသင်းနဲ့ ဗိုလ်လုပွဲ ကစားရပါမယ်။