ဒါဟာ ဗိုင်းရပ်စ်ကူးစက်မှုမြင့်တက်နေပြီး ကူးစက်ခံလူနာတွေအတွက် ဆေးကုသဖို့ လိုအပ်တဲ့ ပစ္စည်းတွေကို သိုလှောင်ပေးထားမယ့် ပထမဆုံးဘောလုံးအသင်းလည်းဖြစ်လာတော့မှာဖြစ်ပါတယ်။ 

ကြာသပတေးနေ့တစ်ရက်တည်းအတွင်း စပိန်မှာ သေဆုံးသူပေါင်း ၆၅၅ ဦးအထိ ရှိခဲ့ပြီး စုစုပေါင်းသေဆုံးသူဦးရေဟာ လေးထောင်ကျော်အထိ ရှိသွားခဲ့ပြီဖြစ်ပါတယ်။ ဗိုင်းရပ်စ်ကူးစက်ခံရသူပေါင်းငါးသောင်းကျော်အထိ ရှိလာခဲ့ပြီး စိုးရိမ်ဖွယ်ရာအနေအထားတစ်ခုနဲ့ စပိန်က ရင်ဆိုင်နေရကာ ထိန်းချုပ်ဖို့အစွမ်းကုန်ကြိုးစားနေရပါတယ်။ 

အရေးပေါ်ခန်းထဲကထွက်လာပြီး တစ်ဦးနဲ့တစ်ဦးပွေ့ဖက်ငိုကြွေးနေသည့် စပိန်ကျန်းမာရေးဝန်ထမ်းနှစ်ဦး :  Severo Ochoa hospital in Leganes, Spain, March 26, 2020. /VCG

" လက်ရှိအရေးအပေါ်အခြေအနေမှာ လိုအပ်နေတာကြောင့် ဒီအရင်းအမြစ်တွေကို အကောင်းဆုံးနဲ့အထိရောက်ဆုံးအသုံးချသွားဖို့လည်း ဖြစ်ပါတယ်၊ အသင်းအနေနဲ့ အားကစားနဲ့ဆက်နွယ်တဲ့ လုပ်ငန်းတွေကို ခွင့်ပြုပေးသွားမှာပါ၊ လှူဒါန်းမှုတွေကိုလည်း ပြုလုပ်နိုင်သလို ကျန်းမာရေးဝန်ကြီးဌာနအတွက် လိုအပ်တဲ့ ပစ္စည်းတွေကိုလည်း လက်ခံပေးသွားမှာပါ" လို့ ရီးရဲလ်က သတင်းထုတ်ပြန်ခဲ့ပါတယ်။ 

ရီးရဲလ်မက်ဒရစ်အသင်းရဲ့ ပြိုင်ဘက်အသင်းကြီးဖြစ်တဲ့ ဘာစီလိုနာကလည်း ဒေသတွင်းကျန်းမာရေးဌာနတွေအနေနဲ့ လိုအပ်တယ်ဆိုပါက သူတို့အသင်းဆီက အဆောက်အအုံတွေကို အသုံးပြုနိုင်တယ်လို့ မနေ့က ကြေညာထားခဲ့ပြီးဖြစ်ပါတယ်။