ပီအက်စ်ဂျီအားကစားဒါရိုက်တာ လီယိုနာဒိုက အသင်းရဲ့အဓိကကစားသမားဖြစ်တဲ့ ဘတ်ပီအနေနဲ့ အသင်းမှာ ဆက်ရှိ၊ မရှိ ပရိသတ်တွေကို ကတိပေးနိုင်တဲ့ အနေအထားမှာ မရှိကြောင်း ဝန်ခံပြောကြားခဲ့တယ်လို့ Daily Mail က ဖော်ပြခဲ့ပါတယ်။
ပြင်သစ်လက်ရွေးစင်ကြယ်ပွင့် ဘတ်ပီဟာ ရီးရဲမက်ဒရစ်အသင်းရဲ့ ယခုနွေရာသီ ထိပ်တန်းပစ်မှတ်ထဲမှာ ပါဝင်နေသူဖြစ်ပြီး ယခုနွေရာသီအစောပိုင်းမှာ ဘတ်ပီက စီမံကိန်းအသစ်တွေက ၎င်းကို ဆွဲဆောင်နိုုင်လိမ့်မယ်လို့ ပြောကြားခဲ့တာဖြစ်ပါတယ်။
“သူက ကျွန်တော်တို့်အတွက် ပထမဦးစားပေးကစားသမား ဟုတ်လား၊ မဟုတ်ဘူးလားဆိုတာ သံသယဖြစ်စရာမရှိပါဘူး။ ဘတ်ပီက ဒီမှာရှိနေပြီး အသင်းအတွက် အရေးပါတဲ့ကစားသမားပါ။ အဲဒါကို မေးခွန်းထုတ်စရာမရှိပါဘူး။ တနင်္လာနေ့က လေ့ကျင့်ရေးပြန်စတဲ့အခါမှာ ။ သူ့မျက်နှာပေါ်မှာ ကြီးမားတဲ့အပြုံးနဲ့အတူ မြင့်မားတဲ့စိတ်နေစိတ်ထားနဲ့ ရောက်ရှိလာပါတယ်။ အမြဲတမ်းလိုပဲ သူက ဆွဲဆောင်မှုရှိတဲ့သူဖြစ်ပြီး ပရိသတ်တွေက သူ့ကို ချစ်ခင်ကြပါတယ်။ သူ့လို ငယ်ရွယ်ပြီး ပြုံးပျော်နေတတ်တဲ့ ကစားသမားမျိုး အသင်းမှာ ရှိဖို့က အရေးကြီးပါတယ်”
“ကျွန်တော် အကြောင်းပြချက် ၂ ခုကြောင့် ဘယ်တော့မှ ကတိမပေးပါဘူး။ ပထမက ဒီအသင်းမှာဖြစ်ပျက်သမျှ အရာအားလုံးအတွက် ကျွန်တော်တစ်ဦးတည်းက တာဝန်ရှိတဲ့သူမဟုတ်လို့ပါ။ ဒုတိယက သူတို့တွေကို ထိန်းသိမ်းထားနိုင်မယ်လို့ မသေချာဘဲ လွယ်လွယ်နဲ့ ကတိတွေ လျှောက်မပေးချင်လို့ပါ။ ကျွန်တော် လက်တွေ့ကျကျကိစ္စတွေပဲ စိတ်ဝင်စားပြီး ဒီနေ့ ကျွန်တော်တို့ သိရသမျှက အသေချာဆုံးပါပဲ”လို့ Le Parisien ကို ပြောကြားခဲ့ပါတယ်။