ဘာစီလိုနာကနေ အသင်းဟောင်းဆီဗီလာကို ပြန်လည်ပြေ်းရွှေ့ခဲ့သူပါ။
Pyae Phyo Thein

ရာကီတစ်ဟာ ဒီရာသီကမှ အသင်းဟောင်းကို ပြန်လည်ပြောင်းရွှေ့ခဲ့တာဖြစ်ပြီး သူနဲ့ အခြားကစားသမားတွေကြားက ဆက်ဆံရေးကို ပထမဆုံးအကြိမ် ထုတ်ဖော်ပြောဆိုခဲ့တာဖြစ်ပါတယ်။ 


အသင်းဟောင်းဆီဗီလာကို ဘာစီလိုနာကနေ ပြန်လည်ပြောင်းရွှေ့ခဲ့တဲ့ ကွင်းလယ်လူရာကီတစ်က နူးကမ့်မှာကစားခဲ့တဲ့ ခြောက်နှစ်တာကာလအတွင်း မက်ဆီ၊ ဆွာရက်ဇ်တို့နဲ့ ရင်းနှီးတဲ့ဆက်ဆံရေးမရှိခဲ့ဘူးလို့ ထုတ်ဖော်ပြောဆိုလိုက်ပါတယ်။ ရာကီတစ်ဟာ ဒီရာသီကမှ အသင်းဟောင်းကို ပြန်လည်ပြောင်းရွှေ့ခဲ့တာဖြစ်ပြီး သူနဲ့ အခြားကစားသမားတွေကြားက ဆက်ဆံရေးကို ပထမဆုံးအကြိမ် ထုတ်ဖော်ပြောဆိုခဲ့တာဖြစ်ပါတယ်။ 

မက်ဆီ၊ ဆွာရက်ဇ်တို့ကတော့ ဘာစီလိုနာရဲ့ အဓိကကစားသမားတွေဖြစ်ပြီး သူတို့နှစ်ဦးစလုံးအပေါ်မှာ လေးစားမှုရှိတယ်လို့ ရာကီတစ်က ဖွင့်ဟခဲ့ပါတယ်။ သူနဲ့ရင်းနှီးခဲ့တဲ့ ကစားသမားတွေရဲ့နာမည်ကိုလည်း ထုတ်ဖော်ပြောဆိုခဲ့ပြီး အသင်းတွင်းမှာ ကစားသမားတစ်ဦးနဲ့တစ်ဦး နီးကပ်တဲ့ဆက်ဆံရေးမရှိတာက အခက်အခဲတစ်ခုလို ဖြစ်နေခဲ့ရတယ်လို့ သူ ခံစားခဲ့ရကြောင်းကိုလည်း ပြောဆိုခဲ့ပါတယ်။ 
"ကျွန်တော့်ဘက်က အမြင်ကိုပဲပြောရမယ်ဆိုရင်တော့ သူတို့နဲ့ ကျွန်တော့်ကြားမှာ ရင်းနှီးတဲ့ဆက်ဆံရေးမရှိခဲ့ပါဘူး၊ ကစားသမား ၂၃ယောက်၊ ၂၄ ယောက်လောက်ရှိနေတဲ့ အစုအဖွဲ့တစ်ခုအတွက် ဒါကတော်တော်လေးခက်မယ်လို့ ကျွန်တော်ယုံကြည်တယ်၊ ကျွန်တော်နဲ့ အရင်းနှီးဆုံးသူငယ်ချင်းတွေက အင်နီယေစတာ၊ တာစတီဂန်၊ ဘိုတန်နဲ့ ဖာပိုတို့ပါပဲ၊ ဒါပေမယ့် သူတို့နှစ်ဦးစလုံးအပေါ် ကျွန်တော်လေးစားမှုရှိပါတယ်"


"သူတို့က ခြောက်နှစ်လောက် ကျွန်တော်နဲ့ အသင်းဖော်တွေဖြစ်ခဲ့ပြီး အရမ်းအရေးပါတဲ့ကစားသမားတွေပါ၊ ကျွန်တော့်အတွက် အံ့မခန်းစရာတွေကိုလည်း အမြဲတမ်းရရှိနေခဲ့ပြီး သူတို့ကို ကျွန်တော်လေးလေးစားစားပဲဆက်ဆံပါတယ်၊ ကိုရိုနာဗိုင်းရပ်စ်ကာလအတွင်းမှာဆို ကျွန်တော်တို့အားလုံးနီးနီးကပ်ကပ်ရှိခဲ့ပြီး အိမ်နီးနားချင်းတွေဖြစ်လုနီးပါးအထိပါပဲ၊ ပြီးခဲ့တဲ့နှစ်တွေအတွင်း ကျွန်တော့်ကို သူတို့ဘက်က ပြုမူဆက်ဆံပေးတာတွေအတွက်လည်း တကယ်ကျေးဇူးတင်ပါတယ်" လို့ ရာကီတစ်က El Desmarque သတင်းဌာနကို ပြောသွားခဲ့ပါတယ်။ 

ရာကီတစ်ဟာ ဘာစီလိုနာအတွက် ပြိုင်ပွဲစုံပွဲပေါင်း ၃၁၀ ကစားပေးခဲ့ပြီး ၃၆ ဂိုးသွင်းယူပေးခဲ့ကာ ချန်ပီယံလိဂ်ဖလားအပါအဝင် အဓိကဆုဖလားအများအပြားဆွတ်ခူးနိုင်ခဲ့ပါတယ်။ 


Author


က္က