ဂျူဗင်တပ်ကြယ်ပွင့် ဂျာအိုကန်ဆယ်လိုဟာ မန်ချက်စတာယူနိုက်တက်အသင်းကို ပြောင်းရွှေ့လိုတဲ့ဆန္ဒရှိနေကြောင်း သတင်းတွေအရ သိရပါတယ်။ ကန်ဆယ်လိုဟာ ပြီးခဲ့တဲ့နွေရာသီကမှ ဗလင်စီယာအသင်းကနေ ပေါင် ၃၅ သန်းနဲ့ ပြောင်းရွှေ့ခဲ့သူဖြစ်ပြီး တစ်ရာသီ ကစားပြီးချိန်မှာ တူရင်ကနေ ထွက်ခွာလိုနေတာဖြစ်တယ်လို့ Tuttomercato က ဖော်ပြခဲ့ပါတယ်။

မန်ချက်စတာယူနိုက်တက်အသင်းဟာ ပြီးခဲ့တဲ့လက နာပိုလီအသင်းကို ဂျူဗင်တပ်အသင်းက အနိုင်ရရှိခဲ့တဲ့ပွဲစဉ်မှာ ကန်ဆယ်လိုကို ကင်းထောက်ခဲ့တယ်လို့ သိရပြီး ယခုနွေရာသီမှာ ယူနိုက်တက်အသင်းခေါင်းဆောင် ဗလင်စီယာဟာ စာချုပ်သက်တမ်းကုန်ဆုံးပြီး အသင်းကနေ ထွက်ခွာတော့မှာဖြစ်ပါတယ်။

မန်ချက်စတာယူနိုက်တက်အသင်းဟာ ၎င်းတို့ရဲ့တိုက်စစ်ကိုလည်း တောင့်တင်းအောင် ပြုလုပ်ဖို့ အဆင်သင့်ဖြစ်နေပြီး နာပိုလီကြယ်ပွင့် အင်ဆစ်ဂနီကို ပေါင် ၈၆ သန်းနဲ့ ခေါ်ယူဖို့ စဉ်းစားနေတယ်လို့ သိရပါတယ်။