ယနေ့နံနက် ၂ နာရီ ၃၀ မိနစ်အချိန်မှာ ယှဉ်ပြိုင်ကစားခဲ့တဲ့ ပေါ်တိုအသင်းနဲ့ ရိုးမားအသင်းတို့ရဲ့ပွဲစဉ်မှာ ပေါ်တိုအသင်းက ရိုးမားအသင်းကို အချိန်ပိုဒုတိယပိုင်းမှာ ရရှိခဲ့တဲ့ ပင်နယ်တီကြောင့် ၂ ကျော့ပေါင်း ၄ ဂိုး ၃ ဂိုးနဲ့ အနိုင်ရရှိပြီး ကွာတားဖိုင်နယ်အဆင့်ကို တက်ရောက်နိုင်ခဲ့ပါတယ်။
ပထမပိုင်းစတင်ချိန်ကတည်းက အိမ်ရှင်ပေါ်တိုအသင်းက ရိုးမားအသင်းကို ဖိအားပေးတိုက်စစ်ဆင်ကစားနိုင်ခဲ့ပြီး ၂၆ တီကွင်ဟိုက မာရီဂါရဲ့ပေးပို့မှုကနေတဆင့် ပေါ်တိုအသင်းအတွက် အဖွင့်ဂိုးကို သွင်းယူပေးခဲ့ပါတယ်။
ဒုတိယပိုင်းမှာလည်း အိမ်ရှင် ပေါ်တိုအသင်းကပဲ ရိုးမားအသင်းဂိုးပေါက်ကို တရစပ်ကန်သွင်းပြီး ခြိမ်းခြောက်နိုင်ခဲ့ပါတယ်။ ၅၂ မိနစ်မှာ ကိုရိုနာရဲ့ပေးပို့မှုကနေတဆင့် မာရီဂါက အပိုင်ပိတ်သွင်းယူပြီး ပေါ်တိုအသင်းအတွက် ဒုတိယမြောက်ဦးဆောင်ဂိုးကို ရယူပေးခဲ့ပါတယ်။
ပင်နယ်တီပြစ်ဒဏ်ဘောကို အဲလက်စ်တဲလက်စ်က အဆုံးသတ်ပေးခဲ့ပြီး ပေါ်တိုအသင်းဟာ ၂ ကျော့ပေါင်း ၄ ဂိုး ၃ ဂိုးနဲ့ ကွာတားဖိုင်နယ်အဆင့်ကို တက်ရောက်သွားခဲ့ပြီဖြစ်ပါတယ်။ ပေါ်တိုအသင်းဟာ ယနေ့ပွဲစဉ်မှာ ဂိုးပေါက်ကန်သွင်းမှု ၂၈ ကြိမ်အထိ ပြုလုပ်နိုင်ခဲ့ပြီး ဂိုးပေါက် ၈ ကြိမ်တည့်ရာမှာ ၃ ဂိုး ရရှိခဲ့တာဖြစ်ပါတယ်။