PSG နဲ့ ပွဲမှာ ယူနိုက်တက်အတွက် ခြေစွမ်းပြကစားသွားခဲ့တာပါ။
Pyae Phyo Thein

မက်ဂွိုင်းယားနဲ့ ဘိုင်ယီတို့ မပါဝင်ခဲ့တဲ့ အသင်းမှာ ဆိုးလ်ရှားက တွန်ဇီဘီကို လင်ဒီလော့ဖ်နဲ့ တွဲဖက်ပေးခဲ့ကာ နေမာ၊ ဘတ်ပီ နဲ့ ဒီမာရီယာတို့ရဲ့ တိုက်စစ်ကို ရင်ဆို်င်စေခဲ့ပြီး အဆိုပါကစားသမားတွေအားလုံး ဂိုးပေါက်ပျောက်ခဲ့ရပါတယ်။


ပီအက်စ်ဂျီနဲ့ပွဲစဉ်မှာ ကိုင်လီယန်ဘတ်ပီကို အကောင်းဆုံးထိန်းချုပ်ပြနိုင်ခဲ့ပြီးနောက် တွန်ဇီဘီဟာ အသင်းပရိသတ်တွေအပြင် အခြားသောပရိသတ်တချို့ရဲ့ ချီးကျူးမှုတွေကိုပါ ရရှိခဲ့ပါတယ်။ တွန်ဇီဘီက သူ့ရဲ့အိတ်ကပ်ထဲမှာ ဘတ်ပီကို ထည့်ထားခဲ့တယ်လို့ တင်စားပြောဆိုနေခဲ့ကြပြီး ယူနိုက်တက်နောက်ခံလူရဲ့ ခြေစွမ်းအပေါ် အံ့အားသင့်နေခဲ့ကြပါတယ်။

တွန်ဇီီဘီဟာ ဒဏ်ရာကြောင့် အနားယူနေခဲ့ရသူဖြစ်ပြီး ယူနိုက်တက်အတွက် မကစားပေးခဲ့တာ ၁၀ လအထိ ရှိနေခဲ့ပြီဖြစ်ပါတယ်။ မက်ဂွိုင်းယားနဲ့ ဘိုင်ယီတို့ မပါဝင်ခဲ့တဲ့ အသင်းမှာ ဆိုးလ်ရှားက တွန်ဇီဘီကို လင်ဒီလော့ဖ်နဲ့ တွဲဖက်ပေးခဲ့ကာ နေမာ၊ ဘတ်ပီ နဲ့ ဒီမာရီယာတို့ရဲ့ တိုက်စစ်ကို ရင်ဆို်င်စေခဲ့ပြီး အဆိုပါကစားသမားတွေအားလုံး ဂိုးပေါက်ပျောက်ခဲ့ရပါတယ်။



ဘတ်ပီက တစ်ဦးချင်းထိုးဖောက်မှုတွေနဲ့ ဂိုးကန်သွင်းချက်တွေပြုလုပ်နိုင်ခဲ့ပေမယ့်လည်း ဒီဂီယာက လက်စွမ်းပြနေခဲ့သလို သူ့ရဲ့အားထုတ်မှု ၃ ကြိမ်ခန့်လောက်ကိုလည်း တွန်ဇီဘီက အကောင်းဆုံးဟန့်တားနိုင်ခဲ့ပါတယ်။ တွန်ဇီဘီက ဖျက်ထုတ်မှု ၂ကြိမ်နဲ့ ရှင်းထုတ်မှု တစ်ကြိမ်ပြုလုပ်နိုင်ခဲ့ပြီး ဘတ်ပီကို စိတ်တိုင်းကျကစားခွင့်မရအောင်လည်း လူကပ်ကစားနိုင်ခဲ့ပါတယ်။


ပရိသတ်တစ်ဦးက တွစ်တာမှာရေးသားခဲ့ရာမှာတော့ "သူက ယူနိုက်တက်အတွက် တစ်နှစ်နီးပါးလောက်မကစားနိုင်ခဲ့ဘူး၊ ပဲရစ်ကို ရောက်ခဲ့တော့ ကိုင်လီယန်ဘတ်ပီကို သူ့အိတ်ကပ်ထဲ ကောက်ထည့်ထားခဲ့တယ်၊ အံ့အားသင့်စရာကောင်းလောက်အောင်ကို စွမ်းဆောင်နိုင်ခဲ့တာပဲ၊ ဒါ ငါတို့ရဲ့ ဗဟိုခံစစ်မှူးပဲ" လို့ ရေးသားပြောဆိုသွားခဲ့ပါတယ်။


အခြားတစ်ဦးကလည်း "ဒီနေ့ညမှာ နေမာနဲ့ ဘတ်ပီတို့ တိတ်ဆိတ်နေအောင်ကို သူလုပ်နိုင်ခဲ့တာပဲ" လို့ ပြောဆိုခဲ့ကာ နောက်ထပ်တစ်ဦးက "သူက ယူနိုက်တက်ရဲ့ အကောင်းဆုံးဗဟိုခံစစ်မှူးဆိုတာ ဒီနေ့ညမှာ ပြသခဲ့တာပဲ၊ နေမာနဲ့ ဘတ်ပီတို့လိုကစားသမားတွေကို ထိန်းချုပ်နေခဲ့ရတာဖြစ်ပြီး ကောင်းကောင်းကိုင်တွယ်ဖြေရှင်းနိုင်ခဲ့တယ်" လို့ ရေးသားပြောဆိုခဲ့ပါတယ်။ 


Author


က္က