အသက် ၃၅ နှစ်အရွယ် တိုက်စစ်မှူးကြီးဟာ ကိုရိုနာဗိုင်းရပ်စ်ကူးစက်ခံရပြီးနောက် ပွဲတိုင်းလိုလိုမှာ သွင်းဂိုးတွေကို တိုက်ရိုက်ပါဝင်ပတ်သက်နေတာလည်းဖြစ်ပါတယ်။
ပေါ်တူဂီက အန်ဒိုရာကို ၇-၀ နဲ့ အနိုင်ရရှိခဲ့တဲ့ပွဲမှာ လူစားဝင်လာခဲ့ပြီးနောက် အနိုင်ဂိုးတစ်ဂိုးသွင်းယူပေးခဲတဲ့့ ရော်နယ်ဒိုဟာ နို်င်ငံတကာသွင်းဂိုး ၁၀၂ ဂိုးအထိ ရရှိသွားခဲ့ပြီဖြစ်ပါတယ်။ ဒီအတွက်ကြောင့် အီရန်တိုက်စစ်မှူးအလီဒါယီရဲ့ နိုင်ငံတကာသွင်းဂိုး ၁၀၉ ဂိုးစံချိန်ကို လိုက်မီဖို့ ရော်နယ်ဒိုက ၇ ဂိုးသာ လိုအပ်ပါတော့တယ်။
ဥရောပမှာ နိုင်ငံတကာသွင်းဂိုး ၁၀၀ ပြည့်မြောက်တဲ့ ပထမဆုံးကစားသမားအဖြစ် မှတ်တမ်းဝင်ထားတဲ့ ရော်နယ်ဒိုက အလီဒါယီရဲ့ စံချိန်ကို ကျော်ဖြတ်ဖို့ ရည်မှန်းထားပေမယ့်လည်း လက်ရှိအနေအထားအရတော့ ဒီနှစ်အတွင်းမှာ ဖြစ်နိုင်ဖွယ်ရာနည်းပါးနေပြီဖြစ်ပါတယ်။ လာမယ့်ပွဲတွေမှာ ပေါ်တူဂီက ပြင်သစ်၊ ခရိုအေးရှားတို့နဲ့ ကစားရမှာဖြစ်ပြီး အဲဒီနောက်မှာ နောက်နှစ်မှသာ နိုင်ငံပွဲတွေ ပြန်လည်စတင်မှာဖြစ်ပါတယ်။
ပြင်သစ်၊ ခရိုအေးရှားတို့နဲ့ ပွဲစဉ်မှာ ရော်နယ်ဒိုက ၇ ဂိုးအထိ သွင်းယူနိုင်ဖို့ဆိုတာ ဖြစ်နိုင်ချေမရှိသလောက်ဖြစ်တာကြောင့်လည်း လာမယ့်နှစ်မှသာ သူ့အတွက် စံချိန်သစ်ရယူနိုင်ဖို့ မျှော်လင့်နိုင်မှာဖြစ်ပါတယ်။ အသက် ၃၅ နှစ်အရွယ် တိုက်စစ်မှူးကြီးဟာ ကိုရိုနာဗိုင်းရပ်စ်ကူးစက်ခံရပြီးနောက် ပွဲတိုင်းလိုလိုမှာ သွင်းဂိုးတွေကို တိုက်ရိုက်ပါဝင်ပတ်သက်နေတာလည်းဖြစ်ပါတယ်။
ဂျူဗင်တပ်စ်အတွက်လည်း ကိုယ်တိုင်ဂိုးသွင်း၊ ဖန်တီးမှုတွေကို ပြုလုပ်ပေးထားခဲ့သလို လက်ရွေးစင်အသင်းအတွက် ပြန်ကစားပေးတဲ့ ပထမဆုံးပွဲမှာလည်း ဂိုးရရှိခဲ့တာဖြစ်ပါတယ်။