ကိုရိုနာဗိုင်းရပ်စ်ကူးစက်မှုများကြောင့် ဥရောပတိုက်အတွင်းရှိ ဘောလုံးပွဲစဉ်အားလုံးရပ်ဆိုင်းထားရပေမယ့် ဥ ရောပအရှေ့ပိုင်းနိုင်ငံတစ်နိုင်ငံဖြစ်တဲ့ဘီလာရုစ်နိုင်ငံမှာတော့အမှတ်ပေးပွဲတွေ ကျင်းပနေတာပါ။

ယူကရိန်း၊ ပိုလန်၊ လစ်သူယေးနီးယား၊ လက်ဗီးယား၊ ရုရှားနိုင်ငံတို့နဲ့ နယ်နိမိတ်ခြင်းထိစပ်နေပြီး ဥရောပတိုက် အရှေ့ပိုင်းနိုင်ငံတစ်နိုင်ငံဖြစ်တဲ့ ဘီလာရုစ်နိုင်ငံရဲ့ အဆင့်မြင့်ဆုံးအမှတ်ပေးလိဂ်ပြိုင်ပွဲကို ယမန်နေ့ကစတင်ကျ င်းပခဲ့တာလည်းဖြစ်ပါတယ်။

“ လက်ရှိအခြေအနေမှာ ဘာလို့ကျင်းပတာလဲလို့ မေးလာမယ့်အခြေအနေအတွက်အဖြေရှိပါတယ်။ ရှင်းရှင်းလေးပါ။ စိုးရိမ်စရာမရှိလို့ ကျင်းပတာပါ။ တိကျတဲ့စည်းကမ်းတွေအပေါ် လိုက်နာမှုအပြည့်ရှိတဲ့ပရိသတ်တွေကြော င့် ပုံမှန်သတ်မှတ်ထားတဲ့ အချိန်အတိုင်း ရာသီသစ်ပွဲစဉ်တွေကို ကျင်းပနိုင်ခဲ့တာပါ ” လို့ဘီလာရုစ်ဘောလုံးအဖွဲ့ ချုုပ်ဥက္ကဋ္ဌ ဗလာဒီမာဘာဇာနော့ဗ်က ထုတ်ဖော်ပြောဆိုလိုက်တာပါ။

ပြိုင်ပွဲကျင်းပခြင်းနဲ့ပတ်သက်၍ ဘီလာရုစ်လက်ရွေးစင်ဟောင်းဖြစ်သူ အလက်ဇန္တားဟက်ဘ်က “ စိန်ခေါ်မှုတွေ ရှိတာကိုတော့ လက်ခံရမှာပါ။ ဥရောပတိုက်အတွင်း ပရိသတ်ပါဝင်တဲ့ ဘောလုံးပွဲတွေကို ဘီလာရုစ်နိုင်ငံမှာပဲ ရှိနေပါတယ် ” လို့လည်း ဆိုသွားခဲ့ပါသေးတယ်။

ဘီဘာရုစ်ဘောလုံးအဖွဲ့ချုပ်အနေနဲ့ ၂၀၂၀ ဘောလုံးရာသီသစ်ရဲ့ ပွဲစဉ်-၁ကို သတ်မှတ်ထားတဲ့အတိုင်း မတ်လ ၁၉ရက်နေ့မှာ ကျင်းပခဲ့တာဖြစ်ပြီး ပရိသတ်အကြိုက်လူသိများအသင်းအချို့ရလဒ်ကောင်းရဖို့ရုန်းကန်ခဲ့ရပြီး ဒိုင် နမိုမင့်စ်ခ်၊ ဘိုရီဆော့ဗ်၊ အက်ဖ်အေဆလာဗီးယားတို့ကတော့ ရှုံးပွဲကိုယ်စီကြုံတွေ့ခဲ့ရပါတယ်။

အမှတ်ပေးလိဂ်အပြင် ရှုံးထွက်ဖလားပွဲစဉ်တွေကိုပါ ကျင်းပဖို့ရှိနေတာပါ။