မန်ချက်စတာယူနိုက်တက်တိုုက်စစ်မှူး လူကာကူဟာ ဂျူဗင်တပ်အသင်းကို ပြောင်းရွှေ့ဖို့ သဘောတူညီလိုက်ပြီလို့ သတင်းတွေအရ သိရပြီး လူကာကူနဲ့ အလဲအထပ်ပြုလုပ်မယ့် ဂျူဗင်တပ်တိုက်စစ်မှူး ဒီဘာလာက ယူနိုက်တက်ကို ကြီးမားတဲ့လစာပမာဏ ပေးချေဖို့တောင်းဆိုခဲ့တယ်လို့ Express ရဲ့သတင်းက ဖော်ပြပါတယ်။

ဘယ်လ်ဂျီယံလက်ရွေးစင်ကြယ်ပွင့် လူကာကူဟာ အိုးထရက်ဖို့ဒ်မှာ ခက်ခဲတဲ့ရာသီ ၂ ခုကို ဖြတ်ကျော်ခဲ့ပြီးနောက် ယခုနွေရာသီမှာတော့ စီးရီးအေကို ပြောင်းရွှေ့ဖို့အတွက် ပြင်ဆင်နေသူဖြစ်ပါတယ်။ ယူနိုက်တက်ဟာ လက်ရှိအချိန်မှာ ဒီဘာလာအတွက် ဆွေးနွေးညှိနှိုင်းမှုတွေပြုလုပ်နေတယ်လို့ Express က ဖော်ပြခဲ့ပြီး လစာပမာဏကို ဆွေးနွေးတဲ့အဆင့်ရောက်ရှိနေပြီလို့ သိရပါတယ်။

Manchester Evening News ရဲ့ဖော်ပြချက်အရ လူကာကူဟာ ဂျူဗင်တပ်အသင်းကို ပြောင်းရွှေ့ဖို့အတွက် သဘောတူညီခဲ့တယ်လို့ သိရပြီး မန်ချက်စတာယူနိုက်တက်အနေနဲ့ ဒီဘာလာ တောင်းဆိုထားတဲ့ လစာပမာဏကို ပေးချေနိုင်မလားဆိုတာက အပြောင်းအရွှေ့နဲ့ ဆက်စပ်နေတယ်လို့ ဆိုပါတယ်။