“ကျွန်တော်တို့က ဒီစနစ် လုပ်ရတာ ပိုလွယ်အောင်ပါ၊ အရင်ကလည်း အွန်လိုင်းကနေ လက်မှတ်ရောင်းတဲ့စနစ်ကို ဆောင်ရွက်ခဲ့ပေမယ့် အခုတစ်ကြိမ်ကတော့ ပိုမို လွယ်ကူမယ်လို့ ထင်ပါတယ်။ Message Box ကနေတဆင့် လက်မှတ်ဝယ်ထားသူတွေမှာ ကိုယ်ပိုင် ကုဒ်နံပါတ်တွေရရှိထားမှာ ဖြစ်ပြီး နီးစပ်ရာ g&g ဆိုင်တိုင်းမှာ အလွယ်တကူ ငွေရှင်းနိုင်ပါတယ်။ သူငွေရှင်းလိုက်တာနဲ့ ကျွန်တော်တို့ဆီမှာ စာရင်းဝင်လာမှာဖြစ်ပြီး ပွဲနေ့ရောက်တာနဲ့ ကွင်းအနားမှာထားရှိပေးထားမယ့် လက်မှတ်လဲလှယ်ပေးတဲ့ ကောင်တာမှာ လက်မှတ်ကို လဲလိုက်ရမှာပါ။” လို့ ဦးဇော်မင်းထိုက်က ရှင်းပြပါတယ်။လက်ရှိ ပြိုင်ပွဲအခြေအနေအရ အွန်လိုင်းမှတစ်ဆင့် လက်မှတ်ဝယ်ယူနှုန်းကို ကန့်သတ်ထားခြင်းမရှိပဲ စိတ်ကြိုက် ဝယ်ယူထားနိုင်ပြီလို့လည်း သိရပါတယ်။ လက်မှတ်လဲလှယ်ပေးမယ့် ကောင်တာကိုလည်း သုဝဏ္ဏကွင်းဝင်ပေါက်နဲ့ မျက်နှာချင်းဆိုင် အကယ်ဒမီကျောင်း ဝင်ပေါက်နေရာမှာ ထားရှိပေးထားမှာဖြစ်ကာ လက်မှတ်လဲလှယ်ပြီးတာနဲ့ ကွင်းအတွင်း ဝင်ရောက်ကြည့်ရှုနိုင်မှာလည်း ဖြစ်ပါတယ်။