“လက်ရွေးစင်အသင်းကလည်း လက်ရွေးစင်အလျောက် အရေးကြီးသလို ကလပ်အသင်းကလည်း အရေးကြီးတာပါပဲ။ ရန်ကုန်အသင်းနဲ့ အေအက်ဖ်စီဖလား ရလဒ်ကောင်းရဖို့ ပြင်ဆင်မှာဖြစ်တဲ့အပြင် အခုအချိန်မှာ နိုင်ငံအသင်းက ပေးလာတဲ့ တာဝန်ကိုလည်း အစွမ်းကုန်ကြိုးစားသွားပါမယ်” လို့ ဦးမျိုးမင်းထွန်းက ဆက်လက်ပြောပါတယ်။

ဦးမျိုးမင်းထွန်းကို ရွေးချယ်ဖြစ်တာကတော့ ပြည်တွင်းရဲ့ အလားအလာအကောင်းဆုံး နည်းပြတစ်ဦးဖြစ်သလို အောင်မြင်မှုတွေလည်း လိဂ်မှာ စွမ်းဆောင်ထားလို့ ဂုဏ်ပြုတဲ့အနေနဲ့ရော၊ မျှော်လင့် ချက်အနေနဲ့ပါ ရွေးချယ်ဖြစ်ခဲ့တာလို့ ရွေးချယ်ရေးအဖွဲ့မှာ ပါဝင်ခဲ့တဲ့ မြန်မာနိုင်ငံဘောလုံးအဖွဲ့ချုပ် တွဲဖက် အထွေထွေအတွင်းရေးမှူးနှင့် နည်းစနစ်အကြံပေး ဦးတင်မြင့်အောင်ကလည်း ပြောပါတယ်။ ဦးမျိုးမင်းထွန်း တာဝန်ယူမယ့် မြန်မာ့လက်ရွေးစင်အသင်းကတော့ လာမယ့် မတ်လ ၁၉ ရက်နေ့မှာ တရုတ်(တိုင်ပေ)၊ မတ်လ ၂၅ မှာ အင်ဒိုနီးရှားအသင်းတို့နဲ့ ခြေစမ်းကစားမှာဖြစ်ပြီး ၂ ပွဲစလုံးကို မန္တလေးမှာ ကစားမှာပါ။