ဒီနေ့ညနေ ၆နာရီမှာ မန္တလေးမြို့၊ မန္တလာသီရိကွင်းမှာ မြန်မာ့လက်ရွေးစင်ဘောလုံးအသင်းနဲ့ တရုတ်(တိုင်ပေ) လက်ရွေးစင်ဘောလုံးအသင်းတို့ ခြေစမ်းပွဲယှဉ်ပြိုင်ကစားခဲ့ပါတယ်။ မြန်မာ့လက်ရွေးစင်ဘောလုံးအသင်းကို နိုင်ငံခြားသားနည်းပြရှာဖွေနေစဉ်ကာလအတွင်း ယာယီနည်းပြချုပ်အဖြစ် ဦးမျိုးမင်းထွန်းက တာဝန်ယူကိုင်တွယ်ခဲ့ပါတယ်။
ဒုတိယပိုင်းမှာတော့ မြန်မာအသင်းကွင်းလယ်မှာ ငြိမ်းချမ်းအောင်ဝင်ရောက်လာပြီးနောက်ပိုင်း အောင်သူ၊ မောင်မောင်လွင်၊ ငြိမ်းချမ်းအောင်၊ ရန်နိုင်ဦးတို့ရဲ့ ယူ-၂၀ တကျော့ပြန်တိုက်စစ်အတွဲကြောင့် ကစားပုံတက်လာပြီး ဂိုးသွင်းခွင့်တွေလည်းရလာခဲ့ပါတယ်။ ငြိမ်းချမ်းအောင်နဲ့ ရန်နိုင်ဦးတို့ရဲ့ကန်ချက်တွေကို တရုတ်(တိုင်ပေ)ဂိုးသမား ကာကွယ်နိုင်ခဲ့လို့ မြန်မာအသင်း ဂိုးမရခဲ့တာပါ။
အပူရှိန်ကြောင့် ဒုတိယပိုင်း လက်ကျန်မိနစ်တွေမှာနှစ်သင်းစလုံး ကစားပုံကျခဲ့ပြီး ပွဲအပြီးမှာတော့ ဂိုးမရှိသရေနဲ့ပြီးဆုံးခဲ့ပါတယ်။ မြန်မာအသင်းကစားပုံဟာ ဒီနေ့ပွဲမှာ တရုတ်(တိုင်ပေ)ကို အပြန်အလှန်ကစားနိုင်ခဲ့ပြီး အမှားနည်းခဲ့တာကြောင့် ယာယီနည်းပြ ဦးမျိုးမင်းထွန်းအနေနဲ့ လက်ရွေးစင်နည်းပြ ဘဝအဖွင့်မဆိုးဘူးလို့ ဆိုနိုင်ပါတယ်။