လာမယ့် ၂၀၂၀ ဟာ စမတ်ဖုန်းကင်မရာ နည်းပညာပြိုင်မယ့်နှစ်ဖြစ်လာဖို့ရှိပါတယ်။
Ice Universe သတင်းမှာ ဖော်ပြချက်အရ 108MP ကင်မရာသုံး စမတ်ဖုန်းတစ်ချို့ကို လာမယ့်နှစ်မှာ မြင်ရမယ်လို့ဆိုပါတယ်။ အလားတူ သတင်းတစ်ခုကတော့ ဒီနှစ် နှစ်လယ်ပိုင်းမှာ 65MP sensor သုံး စမတ်ဖုန်းတွေ မြင်ရမယ်လို့ဆိုတာကြောင့် စမတ်ဖုန်းတွေမှာ Megapixel ပမာဏ ပြိုင်ဆိုင်မှူ မြင့်လာဖို့ရှိနေပါတယ်။
Photo: Target
ကမ္ဘာကျော် chipset maker ကြီး ဖြစ်တဲ့ Qualcomm ကလည်း စမတ်ဖုန်းတွေမှာ 64MP နဲ့100MP ကင်မရာတွေ သုံးတော့မယ်လို့ခန့်မှန်းထားတာကြောင့် စမတ်ဖုန်းကင်မရာ MP အမြင့်တွေ မြင်ရဖို့သေချာသလောက် ရှိပါတယ်။ 64MP sensor နဲ့ 48MP sensor တို့ဟာ pixel ၄ ခုကို ၁ ခုအဖြစ် ပေါင်းစည်းပြီး ထုတ်နိုင်မယ့် စနစ်ဖြစ်ပြီး Sony IMX586 sensor သုံး 48MP ကင်မရာမှာဆို ညပိုင်း ရိုက်ချက်တွေမှာ 12MP 1.6 micron pixel နဲ့ညီတဲ့ ပုံတွေ ရိုက်ကူနိုင်မယ်လို့ဆိုပါတယ်။
တကယ်လို့108MP ကင်မရာ သုံး စမတ်ဖုန်းတွေ ထွက်လာမယ်ဆိုရင်တော့ 27MP ပုံတွေ ထုတ်နိုင်တော့မှာပါ။ နောက်ထပ် စိတ်ဝင်စားစရာက 10 x optical zoom ပါ။ 10 x zoom periscope သုံးတဲ့ ဖုန်း ၊ 108MP ကင်မရာသုံး ဖုန်းရယ်လို့လောလောဆယ် ဘယ်ကုမ္ဗဏီကမှ မကြေညာသေးပါဘူး။
Photo: The Strait Times
10x optical zoom ဟာ တကယ့် optical zoom စနစ်ဖြစ်လို့၁၀ဆ ဆွဲကြည့်လို့ရုပ်ထွက်ဝါးတာ မငြိမ်တာ ဖြစ်မှာ မဟုတ်ပါဘူး။ OPPO ဟာ မကြာသေးခင်ကပဲ 10x zoom သုံး OPPO Reno ကို ကြေညာခဲ့ပြီး တစ်ခုရှိတာက သူ့ရဲ့ Zoom ဟာ 10 x hybrid နဲ့5x optical zoom ဖြစ်ပါတယ်။ ဘာပဲဖြစ်ဖြစ် ၂၀၂၀ ပြည့်နှစ်မှာ ကင်မရာစွမ်းရည် မြင့်ဖုန်းတွေ မြင်ရမှာ သေချာနေပါတယ်။