ဒီဇိုင်းဆန်းသစ်ထားမှာပါ
Nyein Min Wai

Xiaomi ကတော့ တစ်နှစ်တည်းမှာကိုပဲ Gaming Smartphone နှစ်မျိုးကို မိတ်ဆက်သွားတော့မှာပါ။



 

ဧပြီလလယ်ပိုင်းက ကုမ္ပဏီရဲ့ ပထမဆုံး Black Shark နာမည်နဲ့ဂိမ်းဖုန်းကို တရားဝင် ဖြန့်ချိခဲ့ပြီး ဈေးကွက်မှာ တန်ဖိုးအနည်းဆုံး ဂိမ်းဖုန်းအနေနဲ့စမတ်ဖုန်းဂိမ်မာများရဲ့ အားပေးမှု ရရှိခဲ့ပါတယ်။ ထိုစဉ်က ဈေးကွက်ထဲ မိတ်ဆက်ပြီး တစ်ပတ်အတွင်း ဒီဖုန်းကို register လုပ်သူဦးရေ ၁ သန်းကျော်ခဲ့ပါတယ်။

Black Shark 2 ကတော့ အရင်မော်ဒယ်နဲ့သိပ်ကွာမယ့် အချက်အလက်တွေ မမြင်ရသေးပါဘူး။ အထူးသဖြင့် တစ်နှစ်မှာ flagship processor တစ်လုံးပဲ ထွက်တဲ့ Qualcomm ရဲ့ Snapdragon 845 SoC ကိုပဲ Black Shark 2 မှာ ဆက်သုံးသွားမှာပါ။ အရင် Black Shark မှာ RAM 6GB နဲ့8GB နှစ်မျိုး ပါရှိသလို ဒုတိယမျိုးဆက်မှာလည်း ဒီအတိုင်းပဲ ထွက်လာဖို့ရှိပါတယ်။

ဒီဇိုင်းပိုင်းမှာတော့ Black Shark 2 ဟာ သူနဲ့ခေတ်ပြိုင် ဂိမ်းဖုန်းတွေကို အမှီလိုက်နိုင်ဖို့အပြောင်းအလဲတစ်ချို့ထပ်လုပ်သွားဖို့ရှိနေပါတယ်။ လောလောဆယ် ထွက်လာတဲ့ hands on ဗွီဒီယိုတစ်ခုမှာ ဘေးဘောင်နဲ့ကျောဘက် logo မှာ RGB နောက်ခံမီးတွေနဲ့အလှဆင်ထားတယ်လို့ပြထားပါတယ်။

အရွယ်အစားအားဖြင့် မျက်နှာပြင် ၆ လက်မခန့်ရှိမှာ ဖြစ်ပြီး အရင်လို 4000 mAh ဘက်ထရီနဲ့လာဖို့ရှိပါတယ်။ ဂိမ်းဖုန်းဖြစ်တဲ့အတိုင်း ဒီဖုန်းမှာ အဆင့်မြင့် ဂိမ်းရသတွေ ပေးစွမ်းနိုင်ဖို့အထူးစီမံထားတဲ့ အရည်နဲ့အအေးပေး နည်းပညာပါဝင်လာမှာ သေချာပါတယ်။

မကြာသေးခင်က မိတ်ဆက်လိုက်တဲ့ Huawei ရဲ့ ဂိမ်းဖုန်း Mate 20 X မှာတော့ ရေငွေ့အအေးပေးစနစ်ကိုမှ ကာဗွန်အလွှာ အအေးခံ နည်းပညာနဲ့ပေါင်းစပ် ထုတ်လုပ်ထားပါတယ်။

Photo: indiatvnews

 

ကင်မရာစနစ်အနေနဲ့Black Shark 2 ဟာ dual lens ကိုပဲ ဆက်သုံးနိုင်ဦးမှာ ဖြစ်ပါတယ်။ သတင်းထွက်ထားတဲ့ ပုံတွေမှာတော့ Black Shark 2 ဟာ ထောင်လိုက် dual camera နဲ့ကျောဘက်ကို fingerprint scanner ရွှေ့ထားတာ တွေ့နေရပါတယ်။ Black Shark 2 အကြောင်း အပြည့်အစုံသိဖို့က ခက်ပါတယ်။ အောက်တိုဘာ ၂၃ ရက်နေ့ကိုပဲ စောင့်ကြည့်ရမှာပါ။


ဆက်စပ်အကြောင်းအရာများ


Author


က္က