iPhone တွေက 5G ရဖို့နောက် ၂နှစ်လောက် စောင့်ရဖို့ရှိပါတယ်။

အန်းဒရိုက်ဖုန်းတွေကတော့ နောက်နှစ်မှာ iPhone ကိုကျော်လို့ရမယ့် နိုင်ကွက်ရသွားပြီလို့ဆိုရမှာပါ။ ဟာဝိုင်အီကျွန်းမှာ ပြုလုပ်နေတဲ့ Qualcomm ရဲ့ နည်းပညာပြပွဲမှာ Snapdragon 855 processor သစ်ကို ကြေငြာသွားတာက စတင်မှာပါ။



Capture_1280x853.jpg

Photo: Android Authority



Qualcomm Snapdragon 855 SoC မှာ 5G wireless ဒေတာကွန်ရက်ချိတ်ဆက်နိုင်တာကြောင့် ဖုန်းမိုဘိုင်းလ်ဒေတာ မြန်နှုန်းဟာ လက်ရှိ 4G ကွန်ရက်တွေထက် အဆပေါင်း ၅၀ ကနေ ၁၀၀ အထိ မြန်ဆန်လာတော့မှာ ဖြစ်ပါတယ်။

Qualcomm ဟာ ဖုန်းတစ်လုံးရဲ့ အသက်လို့ပြောနိုင်တဲ့ processor တွေ ထုတ်လုပ်တဲ့ semiconductor ကုမ္ပဏီကြီး ဖြစ်ပြီး အန်းဒရိုက်ဖုန်းအားလုံးလိုလိုဟာ Qualcomm နဲ့မကင်းပါဘူး။ အရင်ကတော့ Qualcomm ဟာ iPhone အတွက် wireless modem chip တွေ ထုတ်ပေးခဲ့ပေမယ့် အခုတော့ တရားတဘောင်တွေ ဖြစ်ပြီး ညောင်ညိုလမ်းခွဲမှာ ရောက်နေခဲ့တာပါ။

Intel ချပ်စ်တွေ ပြောင်းသုံးလာတဲ့ iPhone  တွေဘက်က သေချာတာကတော့ ၂၀၂၀ မတိုင်ခင်အထိ 5G ဖုန်းဆိုတာ မြင်ရမှာ မဟုတ်တာပါပဲ။ ၂၀၂၀ မှာတောင် 5G iPhone တွေ မိတ်ဆက်ဖို့ဆိုတာ မရေရာပါဘူး။ အန်းဒရိုုက်တွေကတော့ ဒီအချိန်မှာ 5G ဖုန်းတွေကို ထုတ်လုပ်ဖို့တာစူရုံတင်မဟုတ်ဘဲ ပြေးလမ်းပေါ်တောင် ရောက်နေခဲ့ပြီ ဖြစ်ပါတယ်။

Snapdragon နည်းပညာမိတ်ဆက်ပွဲမှာ Qualcomm ဘက်က ကတိကဝတ်တစ်ခုက စိတ်ဝင်စားစရာပါ။ Qualcomm ဥက္ကဌရဲ့ အဆိုအရ Asus, Fujitsu, Google, HMD, HTC, InSeeGo, LG, Motorola, Netgear, NetComm Wireless, OnePlus, Oppo, Samsung, Sharp, Sierra Wireless, Sony, Telit, Vivo, WingTech, WNC, Mi နဲ့ZTE တို့ဟာ Qualcomm ရဲ့ နည်းပညာအသီးအပွင့်ကို ခံစားရတော့မယ်လို့ဆိုပါတယ်။

5G က နည်းပညာလောကကို တံခါးခေါက်လာတာနဲ့ချိန်ကိုက်ပြီး Qualcomm ကတော့ အန်းဒရိုက်ဖုန်းတွေကို ပဉ္စမမျိုးဆက် ကွန်ရက်နည်းပညာဆီ ဆွဲခေါ်လာပြီလို့ဆိုရမှာပါ။


ဆက်စပ်အကြောင်းအရာများ



က္က