တြိဂံပုံ notch အသေးနဲ့လာမှာပါ
Nyein Min Wai

အိန္ဒိယဈေးကွက်မှာ မကြာခင်မိတ်ဆက်သွားမယ့် OPPO F9 Pro ကတော့ ငါးမိနစ် အားသွင်းတာနဲ့၂ နာရီအထိ ဖုန်းပြောနိုင်မယ့် အားသွင်းစနစ် ပါဝင်လာတော့မှာပါ။

[No available link text] 

OPPO ရဲ့ အိန္ဒိယဝက်ဘ်ဆိုက်မှာ တက်လာတဲ့ ပုံအရ ဒီဖုန်းဟာ Essential Phone နဲ့ဆင်တဲ့ notch အဝိုင်းအသေးတစ်ခု သုံးထားတာ တွေ့ရပါတယ်။ display ရဲ့ အောက်ခြေမှာ ဘောင်သေးသေးတစ်ခု ပါလာမှာ ဖြစ်ပြီး screen အရွယ်အစားနဲ့သုံးထားမယ့် processor တော့ မသိရသေးပါဘူး။

မှန်ကိုယ်ထည်နဲ့လာမယ့် ဒီဖုန်းဟာ ကျောဘက်မှာ အနီရောင်ကနေ ခရမ်းရောင်ပြေးတဲ့ diamond-shape အကွက်ဖော်ထားပြီး LED flash နဲ့ အတူ အလျားလိုက် dual cameras ပါရှိမှာပါ။ အောက်ခြေမှာ Type C ပေါက်ပါဝင်မှာဖြစ်ပြီး OPPO ရဲ့ အဆင့်မြင့် အားသွင်းစနစ်ဖြစ်တဲ့ VOOC charging သွင်းနိုင်မှာဖြစ်ပါတယ်။

OPPO ဟာ F series အပါအဝင် upper mid-range ဖြစ်တဲ့ R series တစ်ချို့မှာပဲ VOOC charging သုံးထားတာပါ။ နောက်ဆုံးထွက်ထားတဲ့ OPPO Find X မှာလည်း VOOC Charging သုံးထားပြီး Lamborghini Edition မှာသာ ၃၅ မိနစ်နဲ့အားအပြည့်သွင်းနိုင်မယ့် Super VOOC charging ကို သုံးသွားတာ ဖြစ်ပါတယ်။

VOOC charging ဟာ 20W ထွက်ပြီး နာရီဝက်အတွင်း ဖုန်းကို အား ၅၀% သွင်းနိုင်မယ့် ဘက်ထရီနည်းပညာပါ။ notch ဒီဇိုင်းအဆန်းနဲ့VOOC charging ကလွဲရင် ဒီဖုန်းကြော်ငြာတွေမှာ ထူးခြားတာတော့ မတွေ့ရသေးပါဘူး။ သေချာတာကတော့ selfie နဲ့နာမည်ကြီးတဲ့ OPPO F series ဖြစ်လို့ဒီဖုန်းဟာလည်း ဆယ်လ်ဖီကင်မရာပိုင်းမှာ ထူးခြားမှု ရှိမှာပါ။

Photo: Gadgets To Use

 

အခုထိတော့ OPPO F9 နဲ့F9 Pro ကို မိတ်ဆက်မယ့် ရက် မသိရသေးပါဘူး။


Author


က္က