OnePlus 7 Pro ထက် ထက်ဝက်နီးပါး ဈေးသက်သာမယ့်ဖုန်းပါ

Xiaomi ကတော့ notchless screen နဲ့ထူးခြားတဲ့ high-end ဖုန်းမော်ဒယ်သစ်တစ်မျိုးကို မေလ ၂၈ ရက်နေ့မှာ မိတ်ဆက်သွားဖို့ရှိပါတယ်။         

         Redmi K20 / K20 Pro တို့ကို မိတ်ဆက်မယ့်ရက်မတိုင်မှာ ပုံမှန်အတိုင်း သတင်းပေါက်ကြားမှုတွေ ထွက်လာခဲ့ပြီး ဒီသတင်းတွေထဲမှာ Redmi K20 Pro ရဲ့ ဈေးနှုန်းများလည်း ပါဝင်နေပါတယ်။ တရုတ်လူမှုကွန်ရက် Weibo ပေါ် တက်လာတဲ့ အချက်အလက်တွေအရ Redmi K20 Pro ရဲ့ မော်ဒယ် ၃ မျိုး ၊ ဈေး ၃ မျိုးအကြောင်း သိလာတာ ဖြစ်ပါတယ်။

Photo: gsmarena

         Weibo ပေါ်တင်ထားတဲ့ အချက်အလက်တွေသာ မှန်ခဲ့မယ်ဆိုရင် Redmi K20 Pro ရဲ့ အနိမ့်ဆုံးဗားရှင်း RAM 6GB+64GB storage မော်ဒယ်ဟာ ၂၅၉၉ ယွမ် ( မြန်မာငွေ ၅ သိန်း ၇ သောင်းခန့်) ၊ RAM 6GB/128GB storage မော်ဒယ်ကို ၂၇၉၉ ယွမ် ( မြန်မာငွေ ၆ သိန်း ၂ သောင်းခန့်) နဲ့အမြင့်ဆုံး ဗားရှင်း RAM 8GB+128GB storage ကို ၂၉၉၉ ယွမ် ( မြန်မာငွေ ၆ သိန်း ၇ သောင်းခန့်) ဈေးတွေနဲ့ရောင်းချသွားဖို့ရှိပါတယ်။

         Xiaomi ဟာ OnePlus 7 Pro နဲ့ယှဉ်နိုင်ဖို့အတွက် Redmi K20 Pro ကို မိတ်ဆက်လိုက်တာ ဖြစ်ပြီး pop-up ဆယ်လ်ဖီကင်မရာ ၊ သတ္တမမျိုးဆက် in-display လက်ဗွေစနစ် နဲ့Game Turbo 2.0 စနစ်တို့ပါဝင်ဖို့ရှိပါတယ်။ OnePlus 7 Pro ဟာ အနိမ့်ဆုံးမော်ဒယ်ကို ၆၉၉ ဒေါ်လာ ( မြန်မာငွေ ၁၀ သိန်းကျော်) နဲ့အတူ အမြင့်ဆုံး RAM 12GB/256GB storage ကို ဒေါ်လာ ၇၅၀ ( မြန်မာငွေ ၁၁ သိန်းခွဲ ) ဈေးနဲ့ရောင်းချဖို့ကြေညာထားတာပါ။

Photo: Inside-Handy

         Redmi K20 Pro ဟာ 27W charging ပါမယ့် 4000 mAh ဘက်ထရီ ၊ 48MP main ကင်မရာ ပါတဲ့ triple lens ကင်မရာစနစ်ကို သုံးသွားဖို့လည်း ရှိပါတယ်။ Gizmochina သတင်းမှာတော့ Redmi K20 Pro မှာ သုံးထားတဲ့ ကင်မရာ သုံးလုံးထဲမှာ ultra-wide ကင်မရာတစ်လုံး နဲ့အနီးအဝေး ဖမ်းယူနိုင်မယ့် Tele lens တစ်ခု ပါလာမယ်လို့ဆိုပါတယ်။ နောက်ထပ် ထူးခြားတာက Xiaomi Mi 9 မှာ ပါတဲ့ slow-mo ကို 960fps နှုန်းနဲ့ရိုက်နိုင်တဲ့ စနစ်ကို Redmi K20 Pro မှာ သုံးသွားမယ်လို့လည်း သတင်းထွက်ထားပါတယ်။

         လောလောဆယ် ပေါက်ကြားလာတဲ့ အရောင်တွေထဲမှာ ရောင်ပြေး အနီကာလာ နဲ့အပြာရောင်ကာလာတို့လည်း ပါဝင်နေပါတယ်။ နောက်ထပ်ပါရှိမယ့် feature တစ်ခုကတော့ တည်နေရာကို ခြေရာခံရာမှာ ပိုမိုတိကျမြန်ဆန်လာမယ့် Dual Band GPS စနစ်ပဲ ဖြစ်ပါတယ်။



က္က