Affordable ဖုန်းပါ

အကြီးစားဘက်ထရီပါဝါနဲ့ စိတ်ဝင်စားစရာကင်မရာတွေ သုံးထားတဲ့ OPPO A72 ကို ယူကေဈေးကွက်မှာ မိတ်ဆက်လိုက်ပါတယ်။


OPPO A72 ဟာ ပရီမီယံ specs တစ်ချို့ ပါတဲ့ တန်ဖိုးသင့်ဖုန်းလို့ ဆိုပါတယ်။ မျက်နှာပြင်အရွယ်အစား ၆.၅ လက်မ ရှိပြီး 1080p ရုပ်ထွက်ပါတဲ့ display သုံးထားပါတယ်။ punch-hole display အမျိုးအစားဖြစ်ပြီး 16MP selfie ကင်မရာနဲ့ လာပါတယ်။ ဖုန်းအပေါ်နဲ့ အောက်ဘက်မှာ stereo speaker နှစ်လုံးပါရှိပြီး ပတ်ပတ်လည် အသံစနစ် တပ်ဆင်ထားပါတယ်။



Photo: bglhqr

5000mAh ဘက်ထရီဟာ OPPO A72 ရဲ့ စိတ်ဝင်စားစရာ feature ဖြစ်ပြီး 18W fast charge နဲ့ လာပါတယ်။ ဘေးဘောင်မှာ လက်ဗွေစနစ် တပ်ဆင်ထားပြီး NFC payment ပံ့ပိုးထားပါတယ်။ Snapdragon 665 processor ပဲ သုံးထားပြီး RAM 4GB/128GB storage နဲ့ ထွက်ထားပါတယ်။ ဂိမ်းကစားမှု စွမ်းရည် မြှင့်တင်ဖို့ OPPO ရဲ့ Hyper Boost Gaming feature လည်း ထည့်ပေးထားပါတယ်။

ကျောဘက်မှာ 48MP main sensor ၊ 8MP ultra wide angle ၊ 2MP depth sensor နဲ့ 2MP monochrome ကင်မရာ ၄ လုံး သုံးထားပါတယ်။ ကျောဘက်ကင်မရာတွေဟာ လက်တုန်တာကြောင့် ရုပ်မငြိမ်တာကိုပါ ထိန်းပေးမယ့် stablility စနစ်အပါအဝင် 4K Video ရိုက်ကူးမှုပါ ပံ့ပိုးထားပါတယ်။ OPPO A72 ဟာ Twilight Black နဲ့ Aurora Purple ကာလာ ၂ ရောင်နဲ့ လာပါတယ်။

OPPO A72 ဟာ Android 10 ကိုအခြေခံထားတဲ့ ColorOS 7.1 နဲ့ လာပြီး ယူကေမှာ ၂၁၉ ပေါင် (မြန်မာငွေ ၃ သိန်း ၇ သောင်းကျော်) ဈေးနဲ့ ရောင်းချသွားမှာပါ။


ဆက်စပ်အကြောင်းအရာများ



က္က