90Hz screen နဲ့ 6000mAh ဘက်ထရီ ပါပါတယ်

Xiaomi ရဲ့ ဘက်ဂျက် ဖုန်း brand တစ်ခုဖြစ်တဲ့ Redmi ကနေ တန်ဖိုးသင့် Redmi 10 Prime ကို မိတ်ဆက်လိုက်ပါတယ်။

           Redmi 10 Prime မိတ်ဆက်ပွဲကို အိန္ဒိယ‌မှာ ကျင်းပသွားခဲ့တာပါ။ ဒီပွဲမှာ Redmi 10 Prime နဲ့ Redmi Earbuds 3 Pro TWS တို့ကို ကြေညာခဲ့တာ ဖြစ်ပါတယ်။ Redmi 10 Prime ဟာ မျက်နှာပြင် ၆.၅ လက်မ LCD panel နဲ့လာပြီး ဖုန်းအပေါ် အလယ်တည့်တည့်မှာ punch-hole display သုံးလာတာပါ။ FHD+ ရုပ်ထွက်ပါရှိပြီး screen resolution အနေနဲ့ 1080 x 2400p သုံးထားပါတယ်။




Photo: android central


           90Hz refresh rate ပါရှိပြီး ဖုန်းလုံခြုံရေးအတွက် ဖုန်းဘေးဘောင် လက်ဗွေဖတ်စနစ် တပ်ဆင်ထားပါတယ်။ Redmi 10 Prime ဟာ ကမ္ဘာ့ပထမဆုံး Helio G88 chipset သုံးလာတဲ့ ဖုန်းဖြစ်ပြီး RAM 6GB/128GB storage အထိ ပါရှိပါတယ်။ storage ထပ်တိုးဖို့အတွက်လည်း microSD card slot တစ်ခု ထည့်ထားပါတယ်။ punch-hole ကင်မရာအိမ်မှာ 8MP selfie ကင်မရာ သုံးထားပါတယ်။

           ကျောဘက်ကင်မရာအိမ်ဟာ ထောင်လိုက်စတုဂံကင်မရာအိမ်နဲ့လာပြီး 50MP main sensor ၊ ၁၂၀ ဒီဂရီ မြင်ကွင်းကျယ် ရိုက်ကူးနိုင်တဲ့ 8MP ultrawide lens ၊ 2MP macro ကင်မရာနဲ့ 2MP depth assist lens ဆိုပြီး ကင်မရာ ၄ လုံး ပါရှိပါတယ်။ Redmi 10 Prime ဟာ အကြီးစား 6000mAh ဘက်ထရီနဲ့ လာပြီး standby မှာ ၇၂၃ နာရီအထိ အထားခံမယ်လို့ ကြော်ငြာထားပါတယ်။ ဘက်ထရီအားသွင်းစနစ်အနေနဲ့ USB Type C ကနေ 18W fast charging နဲ့ 9W reverse charging ပံ့ပိုးပေးထားပါတယ်။


Photo: techblog

           စမတ်ဖုန်းနဲ့ ဂိမ်းကစားသူတွေအတွက် အပူစစ်ထုတ်နိုင်စွမ်း မြင့်မားတဲ့ ဂရပ်ဖိုက်ပြားနှစ်ပြားပါ တပ်ဆင်ထားတယ်လို့ ဆိုပါတယ်။ Android 11 အခြေခံ MIUI 12.5 သုံးထားပြီး တော်ရုံ ဖုန်တင်တာ ၊ ရေစင်တာကို ဒဏ်ခံနိုင်မယ်လို့လည်း ပြောထားပါတယ်။ dual 4G VoLTE ၊ dual stereo speaker နဲ့ 3.5mm audio jack လည်း သုံးနိုင်မှာပါ။ Phantom Black ၊ Astral Blue နဲ့ Bitfrost White သုံးရောင်နဲ့ လာပြီး RAM 4GB/64GB storage ကို ၁၂၄၉၉ ရူပီး ( မြန်မာငွေ ၂ သိန်း ၈ သောင်းကျော်) ၊ RAM 6GB/128GB storage ကို ၁၄၄၉၉ ရူပီး (မြန်မာငွေ ၃ သိန်း ၂ သောင်းခွဲ) ဈေးတွေနဲ့ ရောင်းချသွားမယ်လို့ ဆိုပါတယ်။


ဆက်စပ်အကြောင်းအရာများ



က္က