Huawei Mate 30 Lite နာမည်နဲ့ပြင်ပဈေးကွက်ထဲ ဖြန့်ချိသွားမယ့် Huawei Maimang 8 ဖုန်းကို တရုတ်ဈေးကွက်မှာ မိတ်ဆက်လိုက်ပါတယ်။
Huawei Maimang 8 ဟာ ပြီးခဲ့တဲ့နှစ်က ထွက်ခဲ့တဲ့ Huawei P Smart+ 2019 နဲ့ဒီဇိုင်းဆင်ပြီး ကျောဘက်မှာ Fingerprint နဲ့ထောင်လိုက် ကင်မရာ ၃ လုံး သုံးထားတာပါ။ ၂၀၁၈ မှာ ခေတ်စားခဲ့တဲ့ waterdrop notch ကို သုံးထားပြိး ၆.၂၁ လက်မ IPS FHD+ ရုပ်ထွက်ပါရှိပါတယ်။
Photo: iDroidTechnology
screen နေရာယူမှူ ၈၉% ရှိလာပြီး TUV Rheinland ထောက်ခံချက်ရတဲ့ display ဖြစ်လို့မျက်လုံးကို blue rays နှောင့်ယှက်မှူကနေ မျက်လုံးကို ကာကွယ်နိုင်မှာပါ။ ဂရပ်ဖစ်ပိုင်းစွမ်းဆောင်ရည်အနေနဲ့GPU Turbo နည်းပာနဲ့လာပါတယ်။
mid-ranger တန်းဝင် ဖုန်းဖြစ်တဲ့ Maiman 8 ဟာ Huawei ထုတ် Kirin 710 processor နဲ့လာပြီး RAM 6GB / 128 GB storage သုံးထားတာပါ။ onboard storage အပြင် microSD card ကနေ 512GB အထိ တိုးလို့ရတာကြောင့် storage အတွက် သိပ်ပြီး စိုးရိမ်စရာတော့ မရှိပါဘူး။
Photo: Huawei Central
ရှေ့ဘက်မှာတော့ 8MP ဆယ်လ်ဇီကင်မရာပါပြီး ဘက်ထရီကတော့ 3400 mAh ဖြစ်ပြီး charging output. ကတော့ 10W ရှိပါတယ်။ Nano နှစ်ကဒ်သုံး ဖုန်းဖြစ်တဲ့ Huawei Maimang 8 ဟာ Android 9 Pie ကို အခြေခံထားတဲ့ EMUI 9.0 စနစ်နဲ့လာပါတယ်။
ဒီဖုန်းကို တရုတ်ဈေးကွက်မှာ ၁၈၉၉ ယွမ် ( မြန်မာငွေ ၄ သိန်း ၂ သောင်း) ဈေးနဲ့ရောင်းချသွားမှာ ဖြစ်ပြီး Midnight Black နဲ့Sapphire Blue ကာလာ ၂ ရောင်နဲ့ဝယ်ယူနိုင်မယ်လို့ဆိုပါတယ်။