mid-range လို့မယုံနိုင်စရာပါပ။ဲ။
Nyein Min Wai

လက်ရှိ ပြည်တွင်းဈေးကွက်မှာ in-display fingerprint နည်းပညာကြောင့် လူကြိုက်များနေတဲ့ Vivo V11 ဟာ အမြင်ပိုင်းအရ ဆွဲဆောင်မှု အားကောင်းသလို ခေတ်ပေါ် စမတ်ဖုန်းတစ်လုံးရဲ့ ကင်မရာဘက်က ကြည့်ရင်လည်း စိတ်ဝင်စားစရာတွေ ပါရှိပါတယ်။



43080742_2152000278399560_1562980973161742336_n (1).jpg

Photo: Vivo

 

Vivo V11 ဟာ သုံးစွဲသူများအတွက် ပိုပြီး ထိုးထွင်းဖန်တီးနိုင်တဲ့ မိုဘိုင်းအတွေ့အကြုံ ပေးနိုင်ဖို့အတွက် ရည်ရွယ်ပြီး မိတ်ဆက်လိုက်တာ ဖြစ်လို့ဒီဇိုင်းပိုင်း ၊ သုံးထားတဲ့ specs နဲ့user experience ပိုင်းမှာပါ အတော်လေး အနုစိတ်လာတာ တွေ့ရပါတယ်။ Vivo V serie တွေထဲမှာ ပထမဆုံး မှန်ပြင်အောက် လက်ဗွေပါရှိတဲ့ ဖုန်းဖြစ်ပြီး biometric လုံခြုံရေးစနစ်ထဲမှာ အလန်းဆုံး နည်းပညာဆိုလည်း မမှားပါဘူး။

ကင်မရာပိုင်းမှာ AI Camera ဆိုတဲ့ ကြေငြာချက်အတိုင်း ပုံကောင်းတွေ ရိုက်ကူးနိုင်ဖို့AI နည်းပညာကို အလေးပေးထားပါတယ်။ Vivo V11 ဟာ ကျောဘက်မှာ ထောင်လိုက်ဘေးကပ် dual cameras ကို သုံးထားတာပါ။ 12MP+5MP နှစ်လုံးတွဲ ကင်မရာစနစ်ဟာ f/1.8 aperture နဲ့1.28μm pixels တို့ကို ပေါင်းစပ်ထားပါတယ်။ ဒီ dual cameras စနစ်ထဲက 12MP ကင်မရာဟာ အလင်းအာရုံခံဖို့အတွက် units ပေါင်း ၂၄ သန်း ပါဝင်တဲ့ Dual Pixel sensor တွေ သုံးထားတာပါ။

Vivo V11 ရဲ့ dual cameras ကင်မရာဟာ focus ချိန်တဲ့အခါမျိုးမှာ ဝ.၀၃ စက္ကန့်ထဲနဲ့ချိန်နိုင်တဲ့ DSLR စံချိန်မီ Dual Pixel Autofocus သုံးလာတာက စိတ်ဝင်စားဖို့ကောင်းနေပါတယ်။ AI Cameras စနစ်ကြောင့် ဓါတ်ပုံတစ်ပုံကို ပရိုကင်မရာသမားတစ်ယောက်နီးပါး ရိုက်နိုင်မှာပါ။ ဒီကင်မရာမှာ နောက်ထပ် စိတ်ဝင်စားစရာတွေက ကင်မရာ frames အများကြီးကို အသေးစိတ်ဖမ်းပြီး အကောင်းဆုံး ပုံထွက်စေဖို့AI Backlight HDR နဲ့AI Low Light Mode တွေ သုံးထားတာ ဖြစ်ပါတယ်။

AI ဓါတ်ပုံစနစ်မှာ နောက်ထပ် ပြောစရာတစ်ခုက မြင်ကွင်းမျိုးစုံ ၊ အရာဝတ္ထုပေါင်းစုံကို ခွဲခြားပြီး သီးသန့်အဆင့်မြှင့်တင်မှုတွေ လုပ်နိုင်တဲ့ AI Scene Recognition နည်းပညာ ပါဝင်လာတာပါ။ ဆယ်ဖီကင်မရာပိုင်းအတွက် သုံးထားတဲ့ 25MP ဆယ်ဖီကင်မရာဟာ မျက်နှာပေါ်က အရေးအကြောင်းတွေကို လိုက်ပြီး လိုအပ်တဲ့ အလှပြုပြင်မှုတွေ ပေးမယ့် AI Face Shaping နည်းပညာသစ် ပါဝင်ပါတယ်။

ဆယ်လ်ဖီကို ရောက်ရာအရပ်မှာ အကြိုက်ဆွဲတတ်သူတွေအတွက် သဘောကျစရာက မျက်နှာနဲ့အလင်းထိတွေ့မှုကို သိပြီး ပုံထွက်ကောင်းအောင် အလင်းပေးတဲ့ AI Selfie Lightning စနစ် ထည့်သွင်းပေးထားပါတယ်။ portrait shot ပိုင်းမှာ စိတ်ဝင်စားဖို့အကောင်းဆုံးအချက်က ဓါတ်ပုံရိုက်ဖို့ဖုန်းကိုင်တဲ့ ပုံစံပေါ် လိုက်ပြီး ဘယ်အနေအထားက အကောင်းဆုံး ပုံထွက်မယ်ဆိုတာကို ညွှန်ကြားပေးနိုင်တဲ့ AI Portrait Framing စနစ် ပါဝင်လာတာ ဖြစ်ပါတယ်။

Photo: Vivo

 

Vivo V11 ဟာ ဒီဇိုင်းပိုင်းမှာ အနုစိတ်ထွင်ထားတဲ့ ဖုန်းလို့ပြောခဲ့ပါတယ်။ ဒီအချက်ကို ကျောဘက်က ရွှေရောင် ring ကွပ်ထားတဲ့ dual cameras နဲ့Vivo logo မှာ လည်း တွေ့နိုင်ပါတယ်။ သေချာတာကတော့ Vivo V11 ရဲ့ AI Camera စနစ်ဟာ mid-range ဖုန်းတွေထဲမှာ ရှားတောင့်ရှားပါး အကောင်းစားကင်မရာလို့ဆိုနိုင်ပါတယ်။


ဆက်စပ်အကြောင်းအရာများ


Author


က္က