MMTutors မှ ရင်းနှီးမြှုပ်နှံငွေများကို tutoring platform ကိုတိုးချဲ့ရာတွင်နှင့်မြန်မာ့ပညာရေးစနစ်ကို အဆင့်မြှင့်တင်ရာတွင် အသုံးပြုသွားမည်ဖြစ်

မြန်မာနိုင်ငံ၏ ပထမဆုံးသော အွန်လိုင်းမှ ဆရာ ရှာဖွေရေး ပလက်ဖောင်း တစ်ခုဖြစ်သော MMTutors သည် စက်တင်ဘာလ ၂၈ ရက်နေ့တွင် Seed Myanmar, Trust Venture Partners Myanmar နှင့် ရင်းနှီးမြှုပ် နှံသူ ဦးအောင်ထွန်းတို့ထံမှ လုပ်ငန်းတိုးချဲ့ရန် ရင်းနှီးမြှုပ်နှံမှု ရရှိခဲ့ကြောင်း သိရှိရသည်။

Photo: MMTutors

 

နှစ်စဉ် အထက်တန်းတက်ရောက်ဖြေဆိုကြသော  ကျောင်းသားဦးရေ (၂) သန်းကျော်ရှိသည့် မြန်မာနိုင်ငံ ပညာ ရေးစနစ်တွင် တက္ကသိုလ်ဝင်တန်းစာမေးပွဲသည် အရေးကြီးသောအခန်းကဏ္ဍမှပါဝင်ပြီး ကျောင်းသားဦးရေ  (၄) သိန်းကျော်ဟာ နှစ်စဉ် ကျူရှင်နှင့် စာသင်ဂိုက်များ လိုအပ်လျက်ရှိသည်။ ထိုကဲ့သို့ စိတ်ချယုံ ကြည်ရသော စာသင်ဂိုက်ဆရာ များကို လိုအပ်မှု၊ တောင်းဆိုမှုမှာ မြင့်တက်လျက် ရှိသော်လည်း  ကျောင်းသားများနှင့် မိဘများမှာ ကျွမ်းကျင်   သော၊ စိတ်ချယုံကြည်ရပြီး ထိရောက်မှုရှိသော စာသင်ဂိုက်များကို ရှာဖွေရာတွင် အခက်အခဲ များနှင့် စိန်ခေါ်မှု များ ကြုံတွေ့နေရလျက် ရှိသေးသည်။

 

၂၀၁၇ ခုနှစ် အစောပိုင်းတွင် တည်ထောင်ခဲ့သော MMTutors တွင်ယခု စာသင်ကြားရခြင်းကို စိတ်လိုလက်ရရှိ သော ကျွမ်းကျင် tutor ဆရာများစွာ ရှိနေပြီးဖြစ်ပါသည်။ သင်ယူမှုရင်းမြစ်များ ယုံကြည်စိတ်ချရခြင်း၊ tutorများ အရည်အသွေး ပြည့်ဝခြင်း၊ ကျောင်းသားအရည်အချင်းအလိုက် စာသင်ပုံစနစ်များ ညှိနှိုင်း၍ရခြင်း၊ လစဉ်ပုံမှန်   ကျောင်းသား အရည်အချင်း အစီရင်ခံစာ ပေးပို့ခြင်း၊ မကြာခဏ အရည်အချင်းစစ် စာမေးပွဲများ စစ်ဆေးခြင်း၊ မိဘများအတွက် အခမဲ့ တိုင်ပင်ဆွေးနွေး အကြံပေးခြင်းများ စသည့် ဝန်ဆောင်မှုများ ပါဝင်ခြင်းက MMTutors ၏ အားသာချက်များပင်ဖြစ်သည်။

 

 “ငယ်ငယ်ကတည်းက ကျောင်းတွေရဲ့ စာသင်စနစ်၊ အပြိုင်အဆိုင်များကြတဲ့ ပညာရေးနဲ့ ညီမတို့တွေရဲ့ စာ လေ့လာတဲ့ ပုံစံနှုန်းထားတွေနဲ့ ပတ်သက်ပြီး အခက်အခဲတွေ၊ စိန်ခေါ်မှုတွေ အများကြီး ရှိခဲ့တယ်။ အလယ် တန်း  လောက်ကစပြီး ကျောင်းသားတိုင်းနီးပါး study guide မဖြစ်မနေကို ခေါ်ရတယ်။ ညီမတို့ ကျောင်းသား မိဘတွေကို စစ်တမ်းကောက်ကြည့်တော့ စိတ်ချယုံကြည်ရပြီး ကလေးတွေရဲ့ အရည်အချင်းကို မြှင့်တင် ပေးနိုင်တဲ့ guide မျိုးရဖို့အတွက် မလွယ်ကူဘူးဆိုပြီး အများဆုံးပြောကြတယ်။ ဆရာတွေက တစ်ယောက်နဲ့ တစ်ယောက် အရည်အသွေး အရမ်းကွာပြီး တကယ်တော်တဲ့ guide တွေကျတော့ ရဖို့ခက်တယ် လို့ကြား ရတယ်” ဟု MMTutors ၏တည်ထောင်သူ မဖူးပွင့်အိမ် (ခ) Taylor မှပြောကြားခဲ့သည်။

 

ဆက်လက်၍ မဖူးပွင့်အိမ်မှ “အဲဒါကြောင့် ဒီလိုမိဘတွေရဲ့ အခက်အခဲတွေ၊ ဝန်ထုပ်ဝန်ပိုးတွေကို မျှဝေသယ် ဆောင်ပေးဖို့ ညီမတို့ MMTutors ကို တည်ထောင်ခဲ့တာ ဖြစ်ပါတယ်။ နည်းပညာတိုးတက်မှုကို အသုံးချပြီး  မြန်မာ့ပညာရေးစနစ်နဲ့ ကျောင်းသားတွေရဲ့ လေ့လာမှုတွေကို ကောင်းတဲ့ပြောင်းလဲမှုတွေ ကူညီဖန်တီးပေးသွား နိုင်မယ်လို့ ယုံကြည်ပါတယ်။ ညီမတို့ MMTutors အနေနဲ့ customer တွေအတွက် စိတ်ချယုံကြည်ရတဲ့ ကျွမ်းကျင် tutor တွေနဲ့ စနစ်ကျတဲ့ သင်ကြားနည်းစနစ်တွေကို ရရှိနိုင်တဲ့ရင်းမြစ်တစ်ခု၊ tutor တွေအတွက် လည်း ဝင်ငွေအားဖြင့်ရော ဘဝတိုးတက်မှုဆိုင်ရာ တခြားအခွင့်အလမ်းတွေကိုရော ပံ့ပိုးပေးနိုင်တဲ့ အသိုက် အဝန်း နေရာ တစ်ခုဖြစ်လာအောင် ညီမတို့ ကြိုးစားသွားမှာပါ” ဟု  Duwun Tech ကိုပြောကြားခဲ့သည်။

 

Phandeeyar မှငွေကြေးထောက်ပံ့မှုနှင့် သင်ကြားပြသမှု ရရှိထားသော MMTutors သည် နောက်ထပ် မိဘ များနှင့် ကျောင်းသား အရေအတွက် များများထံ ရောက်ရှိစေရန် ၎င်းတို့၏ လုပ်ငန်းကို  သေချာလည်ပတ်လျက် ရှိသည်။ မူရင်းအမည် VIMIC ဖြစ်သော မြန်မာနိုင်ငံရှိ နည်းပညာပိုင်းဆိုင်ရာ စွန့်ဦးတီထွင် စီးပွားရေး လုပ်ငန်း များတွင် အာရုံစိုက် ရင်းနှီးမြှုပ်နှံလျက်ရှိသော Seed Myanmar ၏ အားတက်သရော ကူညီပံ့ပိုးမှုဖြင့် Trust Venture Partners နှင့် လုပ်ငန်းရှင် ဦးအောင်ထွန်းတို့ထံမှ ရင်းနှီးမြှုပ်နှံမှုများကို အောင်မြင်စွာ ရရှိခဲ့ပြီး ဖြစ်ပါ သည်။

 

Seed Myanmar ၏ Venture Partner ဖြစ်သူ ကိုရဲမြတ်မင်းမှလည်း “Seed Myanmar အနေနဲ့ MMTutors ကို ရင်းနှီးထောက်ပံ့ရတာ စိတ်လှုပ်ရှားစရာပါ။ မြန်မာနိုင်ငံပညာရေးကဏ္ဍမှာ ရှောင်လွှဲလို့မရတဲ့ အားနည်းချက်   တွေ ရှိနေသေးပါတယ်။ MMTutors ရဲ့ အင်အား၊ ဆန်းသစ်တဲ့ အတွေးအခေါ်တွေနဲ့ ဒီအားနည်းချက်တွေကို  ပြောင်းလဲပစ်နိုင်မယ်လို့ ကျွန်တော်တို့ ယုံကြည်ပါတယ်” လို့ဆိုပါတယ်။

 

လက်ရှိတွင် MMTutors တွင် တရားဝင် စာရင်းသွင်းထားသော tutor ပေါင်း ၈၀၀ ကျော်ရှိနေပြီး အစိုးရ ကျောင်းဘာသာရပ်များ၊ ဘာသာစကားအမျိုးမျိုး၊ SAT, GMAT နှင့် လုပ်ငန်းခွင် တိုးတက်မှု အရည်အချင်း ဆိုင်ရာ သင်တန်းအမျိုးမျိုးကို ရန်ကုန်မြို့နေ ကျောင်းသားမိဘများအား အဆင့်မြင့် ဝန်ဆောင်မှုပေးလျက် ရှိပါသည်။ နောင်အနာဂတ်တွင် မြန်မာနိုင်ငံ တစ်ဝှမ်းလုံးကို ချဲ့ထွင်ရန်နှင့် မည်သူမဆို လေ့လာသင်ကြား လိုသော အရာရာတိုင်း အတွက် သင်ကြားရေးစင်တာတစ်ခု ဖြစ်လာရန် ရည်မှန်းထားပါသည်။

 

MMTutors ကို မြန်မာ့ပညာရေးစနစ်နှင့် စာသင်ဆရာများ၏ သဘောတရားကို ကောင်းစွာသိရှိ နားလည်ထား ပြီး ကျောင်းသား မိဘများ၏ လိုအပ်ချက်ကို ဖြည့်ဆည်းရန် ရည်ရွယ်ချက်ဖြင့် စာသင်နှစ် အတွေ့အကြုံပေါင်း ၁၆ နှစ်ရှိကြသော စွန့်ဦးတီထွင် လူငယ်လုပ်ငန်းရှင်များမှ စတင်ထူထောင်ခဲ့ပါသည်။ MMTutors သည် မိဘ များနှင့်  ကျောင်းသားများ လိုလားသော၊ နှစ်သက်သော အချက်များနှင့် ကိုက်ညီပြည့်စုံသည့် study guide ကို ရှာဖွေ မိတ်ဆက်ပေးပြီး စိတ်ကျေနပ်မှုရရှိကာ ထိရောက်မှုရှိသော လေ့လာသင်ကြားမှုများကို ကူညီပံ့ပိုးပေး လျက်ရှိသော အွန်လိုင်းစာသင် ပလက်ဖောင်း ကွန်ယက်တစ်ခု ဖြစ်ပါသည်။



က္က